INSTAT: Ulen ritmet e tregtisë, ndërtimit dhe industrisë

Ndërtimi, tregtia dhe industria, kanë ulur ritmet e aktivitetit në tremujorin e fundit të 2017-ës. Sipas të dhënave mbi indeksin e shitjes, ritmet janë zbehur për këtë periudhë, ndëesa sektorë si transporti shënuan rënie.#

Tregti me shumicë dhe pakicë, riparimi i automjeteve dhe motorçikletave

Indekset e treguesve në aktivitetin Tregti, e cila përfshin tregti me shumicë, tregti me pakicë dhe riparimi i automjeteve dhe motorçikletave, në tremujorin e katërt 2017, paraqiten si më poshtë:

• Indeksi i shitjeve neto në volum shënoi rritje vjetore 1 %.
• Indeksi i numrit të të punësuarve shënoi rënie vjetore 2,7 %.
• Indeksi i fondit të pagave shënoi rënie vjetore 0,2 %.

Ndërtim

Indekset e treguesve në aktivitetin Ndërtim, në tremujorin e katërt 2017:

• Indeksi i shitjeve neto në volum shënoi rritje 7,5 %, krahasuar me tremujorin e katërt 2016;
• Indeksi i prodhimit në volum shënoi rritje 7,5 %, krahasuar me të njëjtën periudhë 2016;
• Indeksi i numrit të të punësuarve shënoi rritje 1,4 %, krahasuar me të njëjtën periudhë 2016;
• Indeksi i fondit të pagave shënoi rritje 13,7 %, krahasuar me të njëjtën periudhë 2016.

Industri:

• Indeksi i shitjeve neto në volum shënoi rritje vjetore 1,5 %.
• Indeksi i prodhimit në volum shënoi rritje vjetore 3 %
• Indeksi i numrit të të punësuarve shënoi rritje vjetore 1 %
• Indeksi i fondit të pagave shënoi rritje vjetore 5,7 %.