Pagat e infermierëve do të rriten me 15 mijë lekë në buxhetin vitit 2024.
Lajmin e bëri të ditur sot kryeministri Edi Rama, i cili theksoi se nga kjo rritje do të përfitojnë 14.207 infermierë.
Buxheti prej 98,72 miliardë lekë (rreth 950 milionë euro) është më i larti i akorduar ndonjëherë në historinë e shtetit shqiptar për sektorin e Shëndetësisë dhe Mbrojtjes Sociale.
Buxheti 2024 mbështet transformimin radikal të shëndetësisë shqiptare, përmes fuqizimit të mjekut, infermierit, rritjes së mbulimit universal dhe modernizimit të mëtejshëm të spitaleve dhe qendrave tona shëndetësore
Ai rithekson rolin qendror të mjekut dhe infermierit në strategjinë për shëndetësinë, duke mbështetur një rritje të mëtejshme të pagave, përmirësimin e kushteve të punës dhe rritjen e autonomisë spitalore.
Ky buxhet vijon në rrugën e investimeve kapitale, duke hapur kantiere të reja modernizimi anembanë vendit. /ATA
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
