Si të rrisni rendimentin tuaj pasi jeni lodhur një natë më parë?

Gjumi është veçanërisht i rëndësishëm për aftësitë njohëse të nivelit më të lartë që ne përdorim për të kontrolluar dhe koordinuar mendimet dhe sjelljen tonë. Por nëse bëjmë një gjumë të keq gjatë natës, si mund të sigurohemi që të funksionojmë mirë ditën tjetër?

Por, si ndikon saktësisht një natë me gjumë të keq, në performancën tonë të nesërmen në punë dhe si mund të kundërshtojmë efektet negative?

Studimet e sjelljes organizative, e kanë identifikuar gjumin si të rëndësishëm për të qenë efektiv në punë.

Në ditët me gjumë të mirë në krahasim me gjumë të keq (d.m.th., një cilësi ose kohëzgjatje më e lartë e gjumit), punonjësit performojnë më mirë në detyrat e tyre kryesore të punës, janë më të angazhuar në punë dhe kanë më shumë gjasa të mbështesin kolegët.

Ndërkohë, mungesa e gjumit i bën punonjësit më shumë gjasa të ngadaltë në punë dhe të përfshihen në sjellje joetike.
lexo: 7 ide biznesi të bazuara në AI që do t’ju bëjnë të pasur!

Një studim zbuloi se ditët pasi menaxherët kishin bërë gjumë me cilësi më të dobët, punonjësit e tyre raportuan raste më të shpeshta të mbikëqyrjes abuzive, si p.sh. duke bërë vërejtje negative për ta para kolegëve të tjerë.

Gjumi ndikon në vetëkontroll

Gjumi është veçanërisht i rëndësishëm për aftësitë njohëse të nivelit më të lartë, që ne përdorim për të kontrolluar dhe koordinuar mendimet dhe sjelljen tonë. Një aftësi jetike njohëse, që mbështetet veçanërisht në gjumin e mirë, është vetëkontrolli ose vullneti.

Këshilla për të funksionuar mirë pas një gjumi të keq të natës

Ka shumë kërkime, që nxjerrin në pah rëndësinë e gjumit të mirë, dhe japin rekomandime për të përmirësuar gjumin, si p.sh. mospërdorimi i telefonave inteligjentë para gjumit.

Por herë pas here, shumica prej nesh, do të kenë ende një natë të keqe, veçanërisht nëse ndihemi të stresuar. Pra, si mund të funksionojmë mirë në punë ditën tjetër?

1. Jini strategjik për detyrat me të cilat punoni

Nëse është e mundur, duhet të shmangni detyrat e punës, që kërkojnë vullnet, në ditët kur nuk keni fjetur mirë një natë më parë. Në vend të kësaj, punoni me detyra të thjeshta dhe që nuk kërkojnë shumë mendim apo vëmendje.

Nëse nuk mund t’i shmangni detyrat që kërkojnë vullnet, planifikojini ato në fillim të ditës, pasi atëherë ka të ngjarë të keni më shumë energji mendore.

2. Rimendoni mentalitetin tuaj

Studimet tregojnë se mënyra se si njerëzit mendojnë për vullnetin, formon aftësinë e tyre për ta angazhuar atë.

Sipas një studimi, punonjësit që besojnë se vullneti mbështetet në burime të pakufizuara, performojnë më mirë në punë në ditët kur u mungon gjumi. Pra, edhe pse studiuesit janë ende duke punuar për të kuptuar kufijtë e fuqisë së vullnetit, ju mund të përpiqeni të rishqyrtoni pikëpamjen tuaj, se sa fort ushtrimi i vullnetit e varfëron energjinë tuaj mendore.

3. Nëse nuk mund të ndryshoni veten, ndryshoni situatën tuaj

Nëse jeni në dietë, është më e lehtë të mos blini çokollatë në supermarket, sesa të mos e hani sa herë që hapni dollapin e kuzhinës. Studimet kanë treguar se njerëzit, që janë shumë të mirë në ushtrimin e vullnetit, në fakt përpiqen të shmangin situatat që do ta kërkojnë atë.

Pra, veçanërisht në ditët kur keni pasur një gjumë të dobët gjatë natës, strategjitë që shmangin nevojën për të ushtruar vullnetin në përgjithësi, mund t’ju ndihmojnë të jeni më produktivë dhe të përfundoni detyrat tuaja të punës.

4. Shikoni një video humoristike

Emocionet pozitive mund të ndihmojnë në rivendosjen e energjisë sonë mendore, pasi ato i kundërvihen efekteve të dëmshme të emocioneve negative.

Në një studim të fundit, u zbulua se shikimi i një videoje humoristie gjatë ditës, mund të zvogëlojë efektet e dëmshme mendore të kërkesave të punës që kërkojnë vullnet, dhe në këtë mënyrë të rrisë efektivitetin e punonjësve.

Kështu që, në ditët kur nuk keni fjetur mirë, mund të jetë e dobishme të shpërqendroheni shkurtimisht, kur mendoni se energjia juaj mendore është e ulët. /nbcnews