Instituti për Studime Ekonomike Ndërkombëtare të Vjenës(WIIW) në raportin e tij më të fundit ka bërë me dije se ekonomia e Shqipërisë do të zgjerohet me 3.3% në vitin 2023. Ndërsa projeksioni për vitin 2024 është 3.8%, dhe për vitin 2025, 4%.
Rritja ekonomike e Shqipërisë renditet pas Kosovës. Kjo e fundit e ka parashikueshmërinë e rritjes ekonomike 3.4 përqind.
Sipas institutit rritja do të jetë më e ngadaltë në disa vende të rajonit të Ballkanit.
Në Serbi rritja parashikohet 1.3%, Bosnjë dhe Hercegovinë 1.5% dhe Maqedoninë e Veriut 1.6%.
Sipas Instituti për Studime Ekonomike Ndërkombëtare të Vjenës, vendet e Ballkanit Perëndimor, do të tregojnë performancë rritjeje mbi mesataren.
Lexo: Business Academy: trajnim për ligjin e punës në Kosovë
Kjo falë flukseve të mëdha hyrëse të fondeve të BE-së, remitancave, investimeve të huaja dhe të ardhurave nga turizmi.
Në një vlerësim të situatës gjeopolitike të rajonit, WIIW vëren se tensionet e fundit në Kosovën Veriore, nuk janë të mira për perspektivat e Kosovës dhe Serbisë. Ato mund të ndikojnë në atraktivitetin e tyre për investime në të ardhmen.
Për vitin 2023, WIIW parashikon një ngadalësim të rritjes ekonomike, në një mesatare prej 1.2% për vendet anëtare të BE-së.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
