“Travel Fest Albania”, i pari i llojit të tij në Shqipëri, nis të hënën maratonën filmike të Edicionit të II.
Organizatorët e tij thonë se energjia e mirë e skuadrës premton emocione të forta për të gjithë filmdashësit.
Nga data 3 deri më 7 korrik, Tirana, Durrësi dhe Gjirokastra do të mirëpresin më shumë se 50 autorë të huaj, me gjuhën universale të filmit dhe fotografisë.
Kryefjala e produksioneve do të jetë natyra, mjedisi, turizmi, trashëgimia dhe historia, praktikisht, gjithçka që bën bashkë të shkuarën, të tashmen dhe të ardhmen.
“Travel Fest Albania” është një eksperiencë sa fantastike, po aq edhe sfiduese, edhe për vetë anëtarët e jurisë.
Filmat pjesëmarrës, të orientuar së tepërmi edhe drejt tendencave më inovatore të realizimit, do të shfaqen përgjatë ditës në 5 kinema të hapura në Tiranë, Durrës dhe Gjirokastër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
