Presidenti amerikan Joe Biden tha të hënën se interneti me shpejtësi të lartë nuk është më një luks, por një “domosdoshmëri absolute”, pasi ai u zotua se çdo familje në vend do të ketë qasje deri në vitin 2030 duke përdorur kabllot e prodhuara në SHBA.
“Këto investime do të ndihmojnë të gjithë amerikanët”, tha ai. “Ne nuk do të lëmë askënd pa internet”.
Biden njoftoi se më shumë se 40 miliardë dollarë do të shpërndahen në të gjithë vendin për të ofruar internet me shpejtësi të lartë në vendet ku ose nuk ka shërbim, ose shërbimi është shumë i ngadaltë.
“Por nuk mjafton të kesh qasje…”, citohet të ketë thënë presidenti, duke shtuar se administrata e tij po punon me ofruesit e shërbimeve për të ulur kostot në atë që tani është një shërbim shtëpiak – si uji ose gazi – por shpesh mbetet me çmim jo të lirë.
Presidenti dhe këshilltarët e tij besojnë se votuesit nuk dinë mjaftueshëm për politikat e tij në drejtim të fushatës së tij të rizgjedhjes në vitin 2024 dhe se më shumë votues do ta mbështesin atë sapo të mësojnë më shumë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
