31 KËSHILLA PËR SIPËRMARRËSIT E RINJ


*Shkruar nga Erduan Kllobucishta, Psikolog/Konsulent për startup-et/Themelues i Organizatës Synapsis World.

Lexoni: Si të krijosh mendësinë (mindset)?

  • Mos prano diçka që të ofrohet që në fillim. Ky është rregulli i artë në negociata të suksesshme.
  • Krijo besim në produktin që ofron dhe jepu vlerë atyre.
  • Ndërto imazhin tënd çdo ditë, duhen pesë minuta për ta shkatërruar
  • Njihi mirë miqtë e tu, ata janë imazhi i suksesit tënd në publik.
  • Njihi armiqtë e tu, në këtë mënyrë krijon sinqeritet me mangësitë e tua.
  • Fol pak, bëhu dëgjues i mirë ndaj personit përballë. Klienti është mbret në treg.
  • Krijo aleanca të fuqishme me njerëz më të fuqishëm se ty.
  • Jepi vetes luksin që ta kritikosh kur vetja gabon.
  • Shoqërohu me njerëz më të zgjuar se ty.
  • Mos u humb kohën me njerëz që janë të zhytur në borxhe deri në fyt.
  • Aty ku ka një pyetje “pse” duhet gjetur dhe përgjigja “sepse”.
  • Mos mer vendim të rëndësishëm në jetën tënde pa kaluar 24 orarshi.
  • Që të njohësh një fushë të caktuar të duhet së paku 100 libra të kesh lexuar në atë fushë.
  • Frekuento evente të ndryshme, konferenca, seminare, aty gjen njerëz që janë të etur për të vërtetën, të etur për sukses.
  • Përdore dhimbjen nga e kaluara për motivimin tënd më të madh.
  • Lexo sa më shumë, nuk ka libër të keq, por ka lexues të keq.
  • Krijo barriera të qarta me njerëzit, principet e tua janë shenjat në rrugë.
  • Vlerëso ndihmën që të dhurojnë të tjerët. Mos e ler pa ua paguar.
  • Kujdes kujt i jep borxh për diçka, ndodh që do të të duhet t’i harrosh ato para që i ke dhënë.
  • Vlerëso kohën që ke, ai është aseti më i vlefshëm që ke në duar, mos e ço dëm.
  • Përkushtoi një kohë të veçantë përcaktimit të qëllimeve reale dhe të realizueshme.
  • Jepi kohë vetes tënde. Kohë për t’u shëruar, kohë për thënë të vërtetën tënde, kohë për të gjetur veten.
  • Injoranca është virtyt i hipokritit, bëhu indiferent ndaj saj.
  • Menaxho mirë paratë e tua. Përdor efektin Pareto, kurse 20 % të të ardhurave të tua.
  • Buzeqësh sa më shumë, kjo i afron njerëzit më shumë ndaj teje.
  • Merru me ndonjë hobi.
  • Sillu si një mbret të trajtohesh si një i tillë.
  • Sido që të jetë ndiq intuitën tënde përkundrejt çdo opinioni.
  • Fokusohu tek qëllimi yt final.
  • Që të merresh me sipërmarrje nuk është e thënë se duhet patjetër të merresh me biznes, sipërmarrja është menaxhim, të krijosh balancë në jetën tënde, familjen dhe të ardhurave të tua.
  • Të jesh i lumtur do të thotë të jesh aktiv. Bëhu aktiv në organizatën tënde, biznesin tënd. Bëje jetën me ngjyra.

Lexo shkrime të tjera nga Erduan Kllobucishta:
25 mënyra për të investuar!
10 Leksione nga Programi Profesional në Chicago
Formulë se si të jetosh suksesin tënd

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale