3 këshilla nga Warren Buffett për çdo sipërmarrës


Tek diplomimi i programit “10,000 Small Businesses” i Goldman Sachs, Warren Buffett mbajti një fjalim ku ai shprehu 3 këshillat e tij më të rëndësishme për çdo sipërmarrës.

1. Punësoni gra

Buffett theksoi se gjatë gjithë historisë së Amerikës, gratë nuk kanë pasur të njëjtat mundësi si burrat, gjë e cila e ka limituar shfrytëzimin total të potencialit të shtetit.

Lexoni: Çfarë përfitimesh kanë marrë gratë sipërmarrëse në biznes?

Duke u rritur, Buffett tha që ishte vazhdimisht i shqetësuar nga pabarazia e grave dhe burrave. Buffett ka 2 motra, të dyja po aq inteligjente sa ai, por ndryshe nga ai, njerëzit prisnin që ato të martoheshin të reja dhe të gjenin një burrë të mirë.

6 vite pasi zbuloi këtë fenomen të padrejtë, në vitin 2003 Warren Buffett po fliste me gruan e tij për të vendosur se kë do të punësonte për një vend ekzekutiv. Ajo sugjeroi një grua, Charlotte Guyman. Ai pranoi menjëherë.

Buffett pranoi se ai nuk e kishte marrë shumë parasysh Guyman më parë, kryesisht sepse ajo ishte një grua. Por ai theksoi sesa i rëndësishëm është diversiteti në perspektivën e liderëve.

Tani kemi 6 gra CEO në 6 kompani mjaft të mëdha. Nga pjesa tjetër e drejtuesve, 60% janë gra,” tha CEO i Berkshire Hathaway.

2. Kënaqni klientët tuaj

“Nëse ka diçka për të mbajtur mend, është që të kënaqni klientët tuaj,” tha Buffett. “Kjo duhet shkruar në pasqyrën e të gjithë sipërmarrësve, që ta lexojnë çdo ditë kur çohen në mëngjes dhe mos ta harrojnë kurrë.”

Ai theksoi se çmimi i produktit nuk ka aq shumë rëndësi sa shërbimi kur ky produkt shitet.

“Nëse trajtoheni mirë dhe nëse jeni vërtetë të impresionuar nga shërbimi, ju do të riktheheni tek ajo kompani,” tha ai. “Gjithashtu duhet të trajtoni mirë njerëzit që bashkëpunojnë me ju, sepse ata do të transmetojnë të njëjtën sjellje tek klienti.”

Lexoni: Nëse doni të përmirësoni shërbimin tuaj ndaj klientit, merrni shembull nga Ritz Carlton

3. Bëni qejf

“Unë jam 85 vjeç dhe çdo ditë shkoj në punë duke kërcyer,” thotë Buffett. Çdoherë që Buffett takohet me studentë kolegji, ai e përmend këtë këshillë, e cila reflekton drejtpërdrejt jetën shumë me fat të tij.

“Thjesht u them, gjeni pasionin tuaj, gjeni një punë që do ta bënit edhe nëse s’keni nevojë të punoni, që çdo ditë të jetë qejf.”

Burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale