1 në 5 punonjës të gatshëm të shesin fjalëkalimet e kompanive ku punojnë - Business Magazine Albania

1 në 5 punonjës të gatshëm të shesin fjalëkalimet e kompanive ku punojnë


Për çështjet e sigurisë së korporatës, punonjësit tuaj janë lidhja më e dobët. Por një raport i ri gjeti se punonjësit janë edhe më të gatshëm të ndihmojnë hakerat të futen në rrjetin tuaj.

Sipas një raporti nga SailPoint, një kompani e bazuar në Austin të Texasit për menaxhimin e sigurisë dhe identitetit, një në pesë punonjës të survejuar do t’ua shisnin fjalëkalimet hakerave, deri në 1 në 7 punonjës ishte po ta krahasojmë me vitin e kaluar. Nga 20 % e këtyre që shesin fjalëkalimet, 44 për qind do ta bënin për më pak se 1,000 $. Disa ishin madje të gatshëm të shisnin kredencialet e kompanisë për më pak se 100 $. “Këtë vit, edhe përqindja e atyre që ishin të gatshëm të riskonin të dhënat e kompanisë nëpërmjet apatisë, neglizhencës së tyre apo përfitimeve financiare u rrit,” thuhet në raport.

Studimi i 2016-ës u udhëhoëq nga Vanson Bourne, një firmë e pavarur kërkimesh. Vanson intervistonte punonjësit në kompani private në sektorin e IT, ndërtimit, financës, kujdesit shëndetsor, gazit dhe naftës dhe shërbimeve të konsumatorit në Australi, Francë, Gjermani, Hollandë, Mbretëria e Bashkuar dhe Shtetet e Bashkuara.

Studimi gjeti gjithashtu se 65 për qind e të pyeturve pranuan se kanë përdorur një fjalëkalim të vetëm për shumë aplikacione dhe 1/3 e të pyeturve ndajnë fjalëkalimet me kolegët e tyre. 26 për qind e punonjësve aktualë ngarkojnë informacione sensitive në aplikacionet e sistemit “cloud” me qëllimin për të ndarë këto të dhëna me personat jashtë kompanisë. Gati gjysma e të pyeturve, 40 për qind thanë se kanë akses te shumë llogari të kompanive nga punët e mëparshme.

Një kompani mesatare e marrë në studim kishte 50,000 punonjës, nga të cilët 10,000 prej tyre i shesin fjalëkalimet, nga kёta tё fundit 4,400 i shesin fjalëkalimet për më pak se 1,000 $. 32,500 punonjës në korporata të mëdha përdorin të njëjtat fjalëkalime për llogari të shumëfishta dhe pothuajse 17,000 i ndajnë fjalëkalimet me kolegët.

Gjithashtu punonjësit po blenë software “cloud” për të realizuar rrjedhjen e informacioneve pa e ditur departamenti i IT-së. Studimi tregon se 33 për qind e punonjësve po blenë aplikacione në “cloud” dhe 70 për qind e tyre ngarkojnë të dhënat dhe informacionet e kompanisë në aplikacione. Rreth 50 për qind e punonjësve nuk i tregojnë departamentit të IT-së rreth këtyre blerjeve me justifikimin se “bëhet më shpejt pa IT,” thotë raporti. Fakti se pse kjo paraqet një rrezik është për shkak se hakerat mund të përdorin një pikë hyrje, duke përfshirë aplikacionet e jashtme si një derë komunikimi te rrjeti juaj ose për tё vjedhur informacione.

“Sa më shumë këto rrjedhjet të preknin njerëzit individualisht, do të ishin më vigjilentë rreth proceseve të sigurisë. Por në një kontrast të zymtë, duket se ndërsa ata presin sigurinë e informacioneve të tyre personale, kur janë në palën e punonjësve, të njëjtët përdorues e përdorin në mënyrë shumë jo efektive sigurinë, duke e lënë veten dhe punëdhënësit të ekspozuar,” thotë raporti.

 

/Inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0