Gjatë katër muajve të parë të vitit, numri i mjeteve elektrike të regjistruara në Drejtorinë e Përgjithshme të Shërbimit të Transportit Rrugor ka shënuar një rritje të dukshme. Statistikat e publikuara tregojnë se në periudhën janar-prill, numri i mjeteve elektrike është rritur me 92% krahasuar me të njëjtën periudhë të vitit të kaluar. DPSHTRR, në përkushtimin e saj për një flotë të mjeteve të cilat janë miqësore me mjedisin, i kushton një vëmendje të veçantë analizës së këtyre statistikave.
Në periudhën janar-prill 2024, numrat e regjistruar janë motivues, ku numri i mjeteve elektrike të tipit “All Electric” ka shkuar në 818, një rritje prej 370% krahasuar me të njëjtën periudhë dy vjet më parë dhe 92% krahasuar me vitin e kaluar. Në këtë periudhë, 16.9% e mjeteve elektrike të regjistruara ishin të pa përdorura më parë, një rritje prej 7% krahasuar me periudhën e njëjtë të vitit të kaluar. Në prill, flota e mjeteve vetëm elektrike ka arritur në 4,120 mjete.
Në të njëjtën kohë, analizohen edhe mjeteve hibride. Numri i mjeteve “Electric / Hybrid Plug-In” ka shënuar një rritje prej 261% krahasuar me periudhën janar-prill 2022, dhe 99% krahasuar me vitin e kaluar. 37% e këtyre mjeteve janë regjistruar për herë të parë.
Lexo: Piramida e rinovuar e Tiranës fiton çmimin për…
Në fund të prillit, numri i mjeteve “Electric/Hybrid Plug-In” ka arritur në 8,574 mjete, mbi 13 herë më shumë se në vitin 2019. Megjithatë, edhe pse interesimi për mjete elektrike është në rritje, një nga sfidat kryesore për rritjen e tyre është mungesa e infrastrukturës së karikimit.
Enti Rregullator i Energjisë ka raportuar se gjatë vitit të kaluar janë instaluar 26 pika të reja të karikimit në Durrës dhe 26 kontrata në Tiranë. Megjithatë, edhe pse numri i mjeteve elektrike është në rritje, ende ka mungesa në informacionin dhe ndërgjegjësimin e kompanive dhe individëve për përfitimet e makinave elektrike krahasuar me makinat tradicionale me karburant.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
