Aksionet e Amazon gjatë këtij viti janë rritur me një të tretën, ndërsa të Premten e kaluar për herë të parë e kanë kaluar vlerën 1000$. Vlera totale e kompanisë është 485 miliardë $.
Jeff Bezos, që mban 17% të aksioneve është gati të arrijë pasurinë e Gates. Sipas Indeksit të miliarderëve të Bloombergut, pasuria e Bezos që nga fillimi i vitit është rritur me 20 miliardë $ dhe tani zotëron 86 miliardë $. Nga Gates me 89.9 e ndajnë vetëm “pak miliardë”.
Parashikohet që në të ardhmen Bezos do të ‘luftojë’ për vendin e parë me Mark Zuckerberg, themeluesin e Facebook, i cili vlen 65 miliardë $ dhe vetëm këtë vit ka shtuar pasurinë e tij me 15 miliardë $.
Biznesin me Amazon, Jeff Bezos e nisi në një garazh në Seattle, fillimisht me libra, më pas me ushqim, veshmbathje, pajisje elektronike dhe prodhime të tyre. Kompania ka blerë Washington Post, ka themeluar agjencinë për udhëtime hapësinore, Blue Origin dhe fondin që investon në kompanitë, si: Airbnb, Uber dhe Business Insider.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
