Si arriti një kompani e vogël, pa përdorur marketing, të ndërtojë produktin nr. 1 në Amazon?


Ky është një mësim për mënyrën se si kompania shiti produkte me vlerë 14.8 milionë $ në një ditë të vetme pa përdorur marketing (reklama).

Korrikun e kaluar, Amazon shpalli në një deklaratë për shtyp, se çfarë kishin blerë njerëzit më shumë në kategori të ndryshme:

• 90.000 televizorë
• 2 milionë lodra
• 1 milionë palë këpucë
• 200.000 kufje
• 215.000 tenxhere me presion multifunksionale, 7 në 1

Prisni, çfarë? Tenxhere me presion? Pse kanë blerë njerëzit një markë të veçantë të tenxhereve me presion?

Në këtë moment, lexuesit e këtij artikulli do të ndahen në dy (dhe vetëm në dy) kategori. Ka nga ata që hera e fundit që e kanë dëgjuar frazën “tenxhere me presion” është për të përmenduar njerëz, të cilët kanë qenë shumë të stresuar.

Sepse rezulton se tenxherja me presion është një fenomen viral i llogaritur. Dhe ka një histori të parrezikshme, interesante dhe ndoshta frymëzuese pas saj.

Pastaj ka nga ata reagimi i të cilëve është më shumë si: “Po, çfarë ka për t’u habitur?”

/Artikulli u publikua më parë në faqen 56 të numrit 13 të revistës Business Magazine Albania. Ju mund të Shfletoni Këtu nr. 13 të saj.

Si ta bëni një produkt viral?

Tenxherja me presion është produkt i një kompanie të vogël kanadeze, e themeluar nga disa inxhinierë. Ajo ka 25 të punësuar, nuk përdor reklama tradicionale, por vetëm një strategji shitje në Amazon.

Strategjia e saj kryesore e marketingut? Mediat sociale, të cilat të çojnë në marketing “gojë më gojë”.

“Gjatë gjashtë viteve të fundit, që kur u hodh në treg, kompania ka ofruar tenxhere me presion për 200 blogerë dhe autorë të librave të gatimit, të cilët përfaqësojnë shumë stile të gatimit, duke përfshirë ato kineze, italiane, vegane,” sipas NPR.

Në çdo rast, këto blogerë dhe autorë e donin atë. Ata e përdornin recetë pas recete dhe vlerësim pas vlerësimi, duke i dhënë kompanisë shumë publicitet falas. Manuali i tenxheres me presion dhe faqja e internetit të kompanisë i tregonte këto receta, duke u siguruar se edhe konsumatorët që e blinin produktin vetë të kishin një shans për t’u përfshirë në komunitetin virtual të tenxheres me presion.

“Gatimi është një sjellje shumë shoqërore”, shpjegoi CEO i kompanisë NPR. “Nëse njerëzit bëjnë ushqim të mirë, ata do të duan të kenë lidhje me të, duke përfshirë edhe mjetet e përdorura.”

Produkti i pari, marketingu i dyti

Tenxherja me presion shitej për 99$. Gjatë “Prime Day” të Amazon ajo zbriti në 69 $, por kjo ende do të thotë se kompania shiti tenxhere me presion me vlerë 14.8 milionë $ në një ditë të vetme.

Ajo ka 15.278 vlerësime në Amazon dhe një vlerësim mesatar prej 4.5 yje.

Sigurisht që marketerët e provojnë këtë “lojë” në Amazon gjatë gjithë kohës, por e vetmja mënyrë për të gjeneruar këtë lloj përgjigje është vetëm në qoftë se njerëzit e duan me të vërtetë produktin.

Candice Galek ka raportuar kohët e fundit diçka në lidhje me atë që Tim Ferriss ka thënë, kur u pyet se si ai do të rriste trafikun e një marke të re në qoftë se ai do të kishte një buxhet prej vetëm 5,000$:

“Përdorini këto 5.000 $ për të patur përvoja dhe pastaj shkruani në lidhje me to.”

Unë kam menduar gjatë në lidhje me atë kuotë gjatë gjithë javës, pra se si gjëja e parë që ka rëndësi është produkti juaj. Nëse jeni duke shkruar për Inc.com apo për çdo portal tjetër është cilësia e përmbajtjes tuaj ajo që ka rëndësi. Nëse jeni duke shitur tenxhere me presion, produkti ka të bëjë me atë se sa mirë ato punojnë.

Bëjeni produktin mjaft të mirë dhe në kohën e mediave sociale, njerëzit do ta ndajnë atë me miqtë dhe ndjekësit e tyre. Është kaq e lehtë dhe kaq e vështirë njëkohësisht.

/Artikulli u publikua më parë në faqen 56 të numrit 13 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 13 të saj.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale