Sipërmarrësit eksportues që janë pjesë e BusinessMag.al

Sipërmarrësit eksportues për të cilët ka shkruar BusinessMag.al


Nëse shfleton faqet e BusinessMag.al, syri do të të ndeshet me shumë artikuj sipërmarrjesh e sipërmarrësish. Janë të ndryshme nga njëri-tjetri. Në shkrimet për ta ndeshesh me të përbashkëta. Rasti në fjalë lidhet me sipërmarrësit që eksportojnë mallrat e tyre përtej tregut shqiptar.

Donika Mici është zonja që ia ka arritur të eksportojë këpucë në Europë e përtej oqeanit Altantik. Ajo ka mbi 1000 të punësuar në Shqipëri. Pas gjithë këtij suksesi fshihen sfida të mëdha e të vazhdueshme. Tregtia po kalon online dhe qendrat tregtare, ku gjenden këpucët e saj, po mbyllen pak nga pak. Për kompaninë ‘Donniana’ kjo nënkupton nevojën për të gjetur bashkëpunëtorë, tregtarë të tjerë, që në vend të dyqaneve fizike, tregtojnë online. Bashkëpunëtorë të rinj, e një mënyrë tërësisht e re e të bërit biznes. Kjo industri ka nevojë për energji, ide novatore e ritëm, ndaj punësimet në nivel ekspertize do të ishin me interes për të rinjtë e punëdhënësit njëkohësisht.
Lexo: Sfidat e Donika Micit në prodhimin e këpucëve

Rona Nushi, farmacistja e apasionuar pas kozmetikës dhe biznesit. Ndërthuarja e dy pasioneve e ka bërë atë të krijojë markën e saj të produkteve kozmetike Bees&Trees, markë e cila operon në Shqipëri, Kosovë dhe shitje online jashtë vendit. Një markë  kjo tashmë e çertifikuar sipas standadeve europiane. Kremërat e Ronës mund t’i gjeni edhe në disa nga farmacitë ë të mira jashtë vendit, pasi  ata janë 100%  bimore. Pas regjistrimit të markës dhe produkteve sipas standadeve të kërkuara nga BE, tashmë linja prodhohet në Itali dhe Rona merret me pjesën tjetër të menaxhimit të biznesit.
Lexo:  Farmacistja që po zhvillon linjën e saj të kozmetikës

Halit Avdiaj ka mbjellë në komunën e Istogut rreth 180 hektarë sipërfaqe të tokës me bimë mjekësore. Pothuajse gjithë prodhimin e tij e eksporton në Europë, pasi ka arritur të lidhë kontrata për eksport me kompani gjermane, zvicerane, austriake dhe çeke. Në fillim nisi punën si biznes i vogël familjar ndërsa kompania e tij ka arritur të punësojë 53 punëtorë në Istog, si dhe ka arritur të hapë 53 pika të grumbullimit të bimëve mjekësore në të gjithë Kosovën.
Lexo:  Sipërmarrësi Halit Avdiaj furnizon të gjithë Europën me bimë mjekësore

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0