Sipërmarrësi Halit Avdiaj furnizon të gjithë Europën me bimë mjekësore


Halit Avdiaj ka mbjellë në komunën e Istogut rreth 180 hektarë sipërfaqe të tokës me bimë mjekësore. Pothuajse gjithë prodhimin e tij e eksporton në Europë, pasi ka arritur të lidhë kontrata për eksport me kompani gjermane, zvicerane, austriake dhe çeke.

Pas 15 vjetësh pune në Zvicër Halit Avdiaj, nga Istogu, kishte vendosur të kthehet në vendlindje për të investuar në bujqësi.

Në Kosovën e sapo dalë nga lufta, Avdiaj në vitin 2002 themelon kompaninë për grumbullimin e bimëve mjekësore “Agro Product”.

Në fillim nisi punën si biznes i vogël familjar ndërsa sot kompania e tij ka arritur të punësojë 53 punëtorë në Istog, si dhe ka arritur të hapë 53 pika të grumbullimit të bimëve mjekësore në të gjithë Kosovën.

Ai tregon se gjatë verës numri i punëtorëve të angazhuar nga kompania e tij arrin në 200, derisa indirekt nga shitja dhe kultivimi i bimëve mjekësore në gjithë Kosovën përfitojnë më shumë se 3000 familje.

Avdiaj thotë se në fillim punën e nisi me përkrahjen e disa shoqatave ndërkombëtare, derisa biznesin ka arritur ta zhvillojë përmes kredive bankare.

“Në vitin 2002 nisëm punën si kompani e vogël familjare për grumbullimin e bimëve mjekësore. Kemi menduar të punojmë vetëm në Istog, nuk kemi pasur pretendime që të shtrihemi në gjithë Kosovën, por falë një angazhimi të madh, falë përkrahjes së shoqatave ndërkombëtare dhe së fundmi falë mbështetjes financiare nga banka ‘ProCredit” ne tashmë jemi këtu ku jemi”, ka thënë ai.

 500 mijë euro kredi në “ProCredit Bank”

Avdiaj tregon se në vitin 2005 për ta rritur biznesin e tij kishte marrë një kredi prej 50 mijë eurosh në “ProCredit Bank”, derisa aktualisht për ta zhvilluar dhe për ta modernizuar biznesin thotë se ka marrë një kredi prej 500 mijë eurosh, si dhe rreth 400 mijë euro në formë over-drafti (mbi tërheqje).

“Sikur të mos kisha mbështetjen e bankës në fjalë unë sot nuk do të isha këtu, pasi për të zhvilluar këtë biznes duhet para të mëdha. Është banka e parë që neve na ka kuptuar dhe na ka ndihmuar që ta zhvillojmë biznesin. Ta zëmë një bimë kultivohet brenda 2 javësh dhe për ta grumbulluar atë dhe për t’i paguar fermerët të duhen mbi 200 mijë euro, nëse mjetet nuk i ke në dispozicion e humb mundësinë sepse kalon sezoni”, tregon Avdiaj.

Pronari i kompanisë “Agro Product” tregon se kur kishte marrë kredinë e parë në vitin 2005 norma e interesit në kredi kishte qenë mbi 16%, derisa, siç tregon ai, kredinë e fundit e ka marrë me normë interesi prej 6% apo 10% më të ulët në raport me kredinë paraprake.

Eksporton në Gjermani, në Zvicër, …

Avdiaj kujton kohën kur ka hapur kompaninë dhe ka filluar të kultivojë vetëm katër bimë mjekësore, ndërsa aktualisht kultivon 42 lloje të bimëve mjekësore dhe i grumbullon nga fermerët edhe 75 lloje të tjera të bimëve.

Ai më tutje tregon se vetëm në komunën e Istogut aktualisht kanë të mbjella rreth 180 hektarë me bimë mjekësore, derisa nëpër komuna të tjera të Kosovës ai thotë se fermerët kanë të mbjella edhe 212 hektarë të tjerë.

“Ne falë cilësisë së lartë të prodhimit, i cili është 100%  bio kemi arritur të depërtojmë fuqishëm në tregun europian. Aktualisht më shumë se 95 % e prodhimeve tona shkojnë në tregun europian. Kemi kontrata 5-vjeçare. Momentalisht kemi 12 kontrata me kompani gjermane, 2 kontrata me kompani zvicerane, 1 kontratë me një kompani austriake, si dhe 1 kontratë me një kompani çeke. Jemi kompania më e fuqishme në rajon për grumbullim dhe kultivim të bimëve mjekësore”, ka treguar më tutje Avdiaj

15 hektarë të mbjella me shafran

Avdiaj më tutje tregon se nga viti në vit në vendin tonë janë duke u rritur sipërfaqet e mbjella me bimë mjekësore. Ai tregon se lulja e kamomilit është bima që më së shumti kultivohet nga fermerët kosovarë. Por, siç thotë ai, së fundmi janë duke u rritur sipërfaqet edhe me bimë mjekësore që janë me çmime shumë më të shtrenjta siç është shafrani.

“Aktualisht me shafran janë të mbjella 15 hektarë. Por sipërfaqet po rriten në vazhdimësi. Në vitin e parë nga një hektar të mbjellë mund të nxjerrësh vetëm 1 kilogram shafran, i cili kushton 3000 euro. Pastaj për çdo vit deri në vitin e pestë të kultivimit rendimentet rriten tre kilogramë për hektar”, tregon biznesmeni Avdiaj.

burimi: zeri.info

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale