“Share Albania” dhe “Albanian ICT Academy” shpallen idetë fituese të "Do you have an idea?" - Business Magazine Albania

“Share Albania” dhe “Albanian ICT Academy” shpallen idetë fituese të “Do you have an idea?”


Mbrëmjen e djeshme u zhvillua nata finale e emisionit televiziv Do you have an idea? në Vizion Plus nën prezantimin e Turjan Hyska ku u shpallën edhe idetë fituese. Në këtë finale 7 konkurrentë ishin përballë njëri tjetrit për të fituar çmimin prej 10000 €, i cili u nda mes dy ideve.

Pjesë e panelit të jurisë në këtë finale të madhe ishin:

Artan Dulaku është themelues i “Edil al Group”, i Qendrës Tregtare Kristal, ETC, rrjetit supermarkatës Conad, Tring Digital, Vizion +. Ai është investitor në kompani ndërtimi, është koncesionari i Ford, Ranger Rover dhe lista e tij e investimeve vazhdon të rritet duke u bërë një nga njerëzit më të pasur në Shqipëri. Çdo sipërmarrje e tij ka pasur sukses, të cilat vazhdojnë të rriten edhe sot duke sjellë cilësinë në tregun shqiptar.

Donika Mici është CEO e “Donianna & Mici sh.p.k.” një nga bizneset fason më të suksesshme në Shqipëri. Kompania e themeluar në Qershor të vitit 1992 është ndër më të mëdhatë eksportuese dhe prej disa vitesh ka dalë si prodhuese, duke dhënë një shembull pozitiv, jo vetëm për mbylljen e ciklit në industrinë me material porositësi, por edhe gjetjen direkt të tregjeve.

Samir Mane është President i Grupit BALFIN, një ndër grupet private investuese më të mëdha në Shqipëri dhe rajon. Portofoli i investimeve të Grupit Balfin mund të kategorizohet në aktivitete për zhvillimin e pasurive të paluajtshme, shitjet me pakicë, menaxhimi i hapësirave tregtare apo industriale dhe shërbime, telekomunikacion, fincancim i konsumatorëve, industria minerare, turizëm dhe agrikulturë. Balfin Group është një aktor kryesor në tregjet shqipëtare dhe ato ndërkombëtare duke vepruar në 10 vende. Balfin Group ka krijuar një reputacion të tij si Grupi më aktiv dhe inovator falë ideve të suksesshme të investimeve, të cilat kanë transformuar dhe revolucionarizuar jo vetëm tregun por edhe sjelljen e konsumatorëve. Sot, me zyrat qëndrore në Tiranë, Grupi Balfin është prezent me aktivitetin e tij përtej kufijve të Shqipërisë, në Austri, Maqedoni, Mali i Zi, Dubai, Kosovë, Greqi, Itali, Hong-Kong dhe Amerikë.

Avni Ponari është CEO i “Sigal Uniqa Group Austria”, një nga kompanitë më të mëdha të sigurimeve në Shqipëri dhe rajonin e Ballkanit. Avni Ponari është jo vetëm lider i suksesshëm, por gjithashtu aksioner i 8 kompanive të sigurimit “SIGAL UNIQA” në rajon (Shqipëri, Kosovë dhe Maqedoni) si dhe i disa bizneseve të tjera të tilla si: koncensionarë makinash, rrjet hotelerie, agjenci doganore etj.

7 finalistët e këtij edicioni pasi bënë prezantimin e fundit të idesë së tyre u përgëzuan nga juria për idetë dhe nënshkruan kontratat që u ishin premtuar nga investitorë të ndryshëm. Ky emision kurorëzoi ëndrrat e këtyre të rinjve për të realizuar idetë dhe bizneset e tyre, duke përfituar investime apo ndihma të llojeve të ndryshme.

– E para e kësaj finaleje ishte Stela Toska me “Creativity Zone”, e cila tregoi se ku kishte arritur falë këtij emisioni dhe se kërkesat e saj ishin përmbushur plotësisht. Ajo madje nënshkroi dhe kontratën gjatë emisionit me Avni Ponarin për një investim prej 10 milionë lekësh, i cili përkthehej në një porosi prej 1000 tjegullash.

– Të dytët ishin Geldi Belba dhe Klaudio Imeraj me aplikacionin “Share Albania” që e shpërndan Shqipërinë kudo. Duke qenë se kërkesa e tyre ishte një investim për marketing, atëherë Tringu ua plotësoi këtë kërkesë duke u ofruar 6 muaj reklamim mediatik falas deri në 7000 € si në televizionin Vizion Plus, platformën dixhitale Tring dhe në revistën Living.

Ejona Zaimaj ishte finalistja e tretë me fermën e saj “Amalthia”. Kërkesa e Ejonës ishte investimi prej 2.5 milionë lekësh për të hapur laboratorin e saj. Ajo lidhi një kontratë me rrjetin e supermarketeve Spar për ta furnizuar atë me produktet e fermës dhe me anë të tij kërkesa e saj për hapjen e laboratorit do realizohej.

Blerina Ago me projektin e saj “Albanian Adventure Resort”, një projekt që ka në fokus promovimin e turizmit ishte e katërta që prezantoi edhe njëherë biznesin e saj. Ajo dhe Samir Mane janë aktualisht në kontakte për investime. Blerina nënshkroi edhe një kontratë me Abcom shpk, duke mundësuar internet në të gjithë resortin. Madje vetë produksioni i dha një një çertifikatë mirënjohje për promovimin që i bën ky biznes vlerave të turizmit shqiptar.

Edlira Shima dhe Zhaklinë Istrefi ishin finalistet e radhës që prezantuan “Blancheur”. Vajzat që nga puntata e parë e deri në finale kishin arritur të realizonin mjaft gjëra për biznesin e tyre dhe kapitalin e parë prej 5 milionë lekësh për hapjen e biznesit dhe blerjen e bazës materiale ua mundësoi anëtarja e jurisë Donika Mici.

“Albanian ICT Academy”, akademia që ka si qëllim sjelljen e metodave inovatore për fëmijët në fushën e teknolgjisë u prezantua edhe njëherë në finale e madhe nga Xhendris Ismaili. Ai nënshkroi kontratë me Qendrën Concord, e cila i mundësoi ambjent për akademinë e tij. Kjo u realizua nga anëtari i jurisë Artan Dulaku, ndërsa Samir Mane i premtoi se do e konsideronte mundësinë për të investuar.

– Të fundit në finalen e madhe ishin Reald Biba dhe Gentian Suçi me lojën e tyre të veçantë “Epoka e Skënderbeut”. Kjo lojë kishte filluar të printohej që nga dita e Hënë ndërkohë që Samir Mane bëri të mundur që “Epoka e skënderbeut” të blihej nga dyqani më i madh i lodrave Jumbo. Ata nënshkruan dhe kontratën me Artan Dulakun, i cili u bë zyrtarisht investitor duke zotëruar 30% të kompanisë.

Përfitimet për finalistët ishin të shumta, por jo më pak përfituan dhe shumë konkurentë të tjerë që nuk ishin pjesë e kësaj finaleje.

Disa nga idetë që përfituan investime ishin:

  1. Iva Lula me projektin e bashkëpunimit të artit të dekorit me rrobaqepsinë – CEO i Abcom Gentian Daci i mundësoi krijimin e faqes së internetit dhe hostimin e kësaj faqeje në serverat e Abcom. Fondi Besa i ofroi sponsorizimin për të marrë pjesë në panaire të ndryshme.
  2. Xhesika Berisha me “Rischa shoes” – Donika Mici e mbajti premtimin duke filluar nga puna për prodhimin dhe hedhjen në treg të linjës së saj të këpucëve.
  3. Djaloshi Valdrin Isufaj e realizoi ëndrrën e tij të botimit të një libri me ilustrime nga botimet Living.
  4. Afërdita Caka me projektin Handmade – Sigal i ofroi një ekspozitë për produktet e saj, ndërsa ABCons i ofroi ndërtimin e një faqeje interneti.

Si dhe për shumë projekte nuk mungoi reklamimi televiziv nga Tring.

Në këtë sezon të parë të “Do you have an idea?” u shpallën dy ide fituese që përfituan nga produksioni shumën prej 5000 € secili.

Fituesit e sezonit të parë janë Geldi Belba dhe Klaudio Imeraj me “Share Albania” dhe Xhendris Ismaili me “Albanian ICT Academy”.

“Do You Have an Idea?” i jep mundësi të gjithë atyre që kanë qëllim për t’i shërbyer njerëzve në nevojë apo t’ua lehtësojnë jetën, që të vijnë në program, ta paraqesin idenë e tyre përballë jurisë dhe të marrin fondin e nevojshëm për të bërë realitet planin e tyre të biznesit.

Business Magazine Albania ka qenë pjesë e këtij rrugëtimi për të ndjekur dhe mbështetur secilën nga këto ide dhe për të motivuar edhe të tjerë që të bëhen pjesë e këtij formati, pasi “Do you have an idea?” është një emision që u jep jetë ideve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0