Rikthehen sfidat për Call Center. Italia miraton ligjin e dytë frenues

Rikthehen sfidat për Call Center. Italia miraton ligjin e dytë frenues


Sfidat për biznesin Call center në Shqipëri nuk kanë të sosur. Pas zhvillimit të theksuar për dhjetë vite rresht, sipërmarrjet (kryesisht ato që punojnë me tregun italian) po përballen me masa të vazhdueshme shtrënguese. Viti i kaluar u mbyll me dy ligje të miratuara në parlamentin italian.

Në fillim të vitit, ligji parashikonte që operatorët të prezantohen nga ku telefonojnë, ndërsa ligji i miratuar muajin e kaluar parashikon të frenojë telemarketingun, duke kërkuar pasqyrimin e prefiksit nga ku vjen telefonata, pra identifikimin e telefonatës hyrëse.

Lexoni: Cili është roli i bizneseve Call Center në Shqipëri?

La repubblica shkruan se, ‘e cilësuar si pjesë e një reforme, pritet që për herë të parë në Itali, 117 milionë numra telefoni të mund të regjistrohen në listën që i mbron nga reklamat, promocionet, kontaktet, apo propozimet e pa kërkuara’. Me ligjin e parë, qeveria italiane, synonte të shmangte ‘eksportin’ e punës jashtë vendit, ndësa ligji i dytë ka direkt në fokus mbrojtjen e konsumatorit.

Prej më shumë se një viti, në fakt kompanitë në Shqipëri janë vënë në lëvizje duke gjetur shërbime dhe tregje të tjera. Në këtë pikë duken më të favorizuara kompanitë e mëdha, ndërsa goditja rrezikon të jetë e papërballueshme për sipërmarrjet e vogla me 40-80 operatorë.

Një prej kompanive më të mëdha në vend ka kaluar në një pjesë të mirë të shërbime, në marketing dixhital, duke punuar edhe për llogari të Google, ndërsa kompani të tjera janë orientuar në zhvillimin e bursave online. Edhe në këtë rast, tregu italian duket se po kërkon mbrotjen e klientëve, duke bërë të identifikueshme telefonatën nga ku vjen propozimi për të investuar në platforma të ndryshme dixhitale.

Masat shtrenguese filluan të japin efektet negative tek ne që vitin e kaluar, ku mbi 50 sipërmarrje call center pezulluan aktivitetin. Pas industrisë fason në veshje e këpucë, biznesi ‘call center’ u bë më i rëndësishme në vend për punësimin. Në rreth 800 kompani që operojnë, llogaritet të jenë mbi 25 mijë të punësuar, sipas të dhënave zyrtare.

Lexoni: Çfarë i ndodh Shqipërisë po të mbyllen Call Center-at?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0