Ndërtimi nuk preket nga pandemia Covid - Business Magazine Albania

Ndërtimi nuk preket nga pandemia Covid

Ndërtimi

Prej muajsh kemi parë që pandemia rriti çmimet e qirasë së pasurive të paluajtshme, ndryshe nga ç’pritej.  Por shifrat zyrtare të INSTAT tregojnë se sektori I ndërtimit ka ecur mirë pa u prekur nga efektet e COVID.  INSTAT vëren në raportin e statistikave afatshkurtra se, në sektorin e ndërtimit volumet e shitjeve u rritën mbi 16% krahasuar me një vit më parë. Në të njëjtën kohë, oferta ishte 14% më e lartë se në tremujorin e tretë të vitit të kaluar. Aktiviteti në sektorin e ndërtimit siguroi rreth 9% të PBB-së.

Shërbime të tjera në rritje ishin “Furnizimi me ujë dhe Trajtimi e menaxhimi i mbetjeve”. Në tremujorin e tretë 2020 indeksi i rrit mbi 3%, krahasuar me të njëjtën periudhë të një viti më parë, ndërsa prodhimi u rrit gati 1%.

Ky është një trend tërësisht i kundërt më shumë sektorë të tjerë të ekonomisë. Të dhënat statistikore tregojnë për rënie të theksuar të aktivitetit në fushën e shërbimeve, në veçanti turizmi.

LEXO: BB financon 80 milionë dollarë për rimëkëmbjen e qëndrueshme të ekonomisë shqiptare

Por, shifrat flasin për rënie më të madhe të industrisë (përjashtuar atë ushqimore). Në tërësi në industri, sipas INSTAT, pati rënie të shitjeve, prodhimit e rrjedhimisht edhe shkurtime të vendeve të punës apo ulje të pagave. Në këtë pjese vlerësohet të kenë ndikuar më së shumti, vështirësitë në tregti. Treguesi i shitjeve në industri ra 3,5% në një vit, prodhimi ra 1.8%. Në të njëjtën periudhë treguesi i të punësuarve ishte gati 11% më i ulët se një vit më parë.

Rënie shënoi edhe sektori i energjisë elektrike, gazit, avullit. Treguesi i shitjeve neto ra 4,6% në një vit, ndërsa prodhimi u rrit 2,3%.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0