Për të dytin vit radhazi zbehen festimet për Vitin e Ri - Business Magazine Albania

Për të dytin vit radhazi zbehen festimet për Vitin e Ri

Në shumë vende planet për festimet e natës së Vitit të Ri ose janë zbehur, ose anulluar për shkak të shtimit të rasteve me Covid.

Zelanda e Re ishte ndër vendet e para që priti Vitin e Ri me një shfaqje dritash në kryeqytetin Aukland, por shumë më të vogël se në të kaluarën.

Australia nuk i anulloi planet për festimet para Operas së famshme të Sidneit, megjithë shtimin e lartë të infeksioneve, por grumbujt e njerëzve ishin shumë më të vogla se në periudhën para pandemisë, kur në qendër të Sidneit dilnin deri në 1 milionë vetë.

Në kryeqytetine Koresë së Jugut, Seul, ceremonia e Vitit të Ri u anullua për të dytin vit radhazi. Me përjashtim të dy viteve të fundit, ceremonia ku mblidhen dhjetra mijëra vetë, nuk ishte anuluar asnjëherë, që nga viti 1953, kur filloi të organizohej.

Në Indonezi shumica e banorëve do ta kalojnë vitin e ri në shtëpi, pasi qeveria ka ndaluar festimet. Në Xhakartë fishekzjarret dhe grumbullimet janë ndaluar, ndërsa restorantet punojnë me orar të kufizuar.

Në Vatikan, Papa anuloi daljen e tij tradicionale për natën e vitit të ri tek sheshi i Shën Pjetrit.

Në qytetet kryesore të Italisë janë anulluar koncertet jashtë të 31 dhjetorit, ndërsa vendi ndeshet me një shtim të madh rastesh. Napoli anulloi shfaqjen e fishekzjarreve për të parandaluar banorët që të mblidhen në rrugët e qytetit.

/voa

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0