USAID CATALYZE bën thirrje për ide mbi mobilizmin e financimit për NVM në Ballkanin Perëndimor - Business Magazine Albania

USAID CATALYZE bën thirrje për ide mbi mobilizmin e financimit për NVM në Ballkanin Perëndimor

Projekti i USAID-it CATALYZE Inovative Blended Finance – The Engines of Growth shpall thirrjen FON-CATALYZE-EoG-2022-0255 për shërbime: “Konceptet inovative për financimin e rritjes së ndërmarrjeve të vogla dhe të mesme (SME) në Ballkanin Perëndimor”. Qëllimi i kësaj thirrje është mbledhja e propozimeve me qëllim mobilizim të financimit për ndërmarrjet e vogla dhe të mesme me potencial të lartë rritjeje.

CATALYZE do të shqyrtojë dhe do të japë grante të drejtpërdrejta dhe/ose nënkontrata për kompanitë dhe organizatat për të përmbushur objektivin 2: Lehtësimi i financimit alternativ shtesë për NVM-të potenciale me rritje të lartë në Ballkanin Perëndimor, me qëllim zhvillimin e tyre, rritjen e produktivitetit dhe krijimin e vendeve të punës.

CATALYZE inkurajon ofruesit të marrin në konsideratë rezultatet e dëshiruara të mëposhtme, megjithatë mirëpret çdo ide novatore që do të rrisë disponueshmërinë dhe përdorimin e financimit për rritjen e SME-ve të gatshme:

  • Rritja e aksesit në financa të përballueshme, të cilat mund të përfshijnë borxhin dhe/ose kapitalin;
  • Rritja e disponueshmërisë së produkteve dhe shërbimeve financiare me kushte të përshtatshme për NVM-të;
  • Numri më i madh i produkteve dhe shërbimeve të bazuara në rrjedhën e parasë në treg;
  • Rritja e burimeve jo-tradicionale të financimit (përfshirë por pa u kufizuar në financimin e faktorizimit ose të arkëtimeve, financimin e zinxhirit të furnizimit, huatë për ndarjen e të ardhurave, financimin e bazuar në aktive të luajtshme, investimet e kapitalit, etj.).

Aktiviteti Engines of Growth (EoG) është një projekt në kuadër të CATALYZE dhe është krijuar për të lehtësuar qëndrueshmërinë, rritjen dhe krijimin e vendeve të reja të punës në ndërmarrjet e vogla dhe të mesme të Ballkanit Perëndimor, duke përmirësuar aksesin e tyre dhe përdorimin e financave të përshtatshme. EoG po punon për të ndihmuar në mobilizimin e kapitalit për NVM-të për të mbështetur NVM-të dhe vendet e punës vulnerabël në vazhdën e COVID-19 dhe tani kërkon të lehtësojë financimin e duhur për SME-të me potencial me rritje të lartë afatgjatë.

Aplikimet dorëzohen në mënyrë elektronike në adresën e emailit – [email protected]

Afati i fundit për pyetje në lidhje me thirrjen e hapur është 15 shkurt 2022.

Afati i fundit për dorëzimin e aplikacioneve është 3 Mars 2022.

Informacion më të detajuar rreth konkursit në anglisht mund të gjeni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0