Daniel McKinnon, i cili ka punuar si menaxher produkti me të dyja kompanitë, Meta Platforms Inc. dhe Alphabet Inc. Google, ndau njohuri për ekuilibrin punë-jetë në të dyja kompanitë.
McKinnon, i cili punoi në Meta nga 2018 në 2022, dhe më pas ishte në Google për dy vjet, përpara se të kthehej në Meta në shkurt, për të punuar në syzet Ray-Ban AI të kompanisë, theksoi dallimet midis dy gjigantëve të teknologjisë.
Ai, vuri në dukje se, ndërsa të dyja kompanitë janë të shkëlqyera për menaxherët e produkteve, ka dallime kryesore në ekuilibrin punë-jetë dhe kompensimin.
Ai sugjeroi, që Meta, mund të jetë më i përshtatshëm, për ata që kërkojnë rritje në karrierë, në kurriz të stresit dhe presionit, ndërsa Google mund të jetë një vend i mrekullueshëm, për ata që kanë prioritet ekuilibrin punë-jetë. “Nëse doni t’i jepni përparësi ekuilibrit mes punës dhe jetës, stabilitetit dhe sigurisë së punës, Google mund të jetë një vend i mrekullueshëm për ju,” shkroi ai.
McKinnon theksoi gjithashtu dallimet në strukturat e kompensimit, mundësitë e projektit, transparencën e kompanisë, mundësinë e të shprehurit në vendin e punës, shkallët e karrierës dhe rolin e menaxherëve të produkteve, kundrejt inxhinierëve të softuerit, në të dy kompanitë. Për shembull, për sa i përket kompensimit, McKinnon deklaroi se Meta, shpërndan njësinë e saj të aksioneve të kufizuara ose RSU, në mënyrë të barabartë përgjatë katër viteve, ndërsa Google i shpërndan grantet e tij ndryshe, duke përqendruar 70% të aksioneve brenda dy viteve fillestare të punësimit.
Sidoqoftë, një përfaqësues nga Google, kundërshtoi pretendimin e McKinnon, se punonjësit marrin kompensim më të ulët çdo vit, pjesërisht për shkak të mungesës së bonuseve shtesë ose rifreskimeve të aksioneve, raportoi Business Insider. Sipas McKinnon, përgjigjet e CEO-s së Google Sundar Pichai ndaj punonjësve, nuk kishin të njëjtin nivel konfidencialiteti si ato të CEO-s së Meta, Mark Zuckerberg.
Ai vuri në dukje, se kompensimi në Google, është gjithashtu më pak i parashikueshëm dhe marrja e përshtypjeve nga drejtimi, është më sfiduese në krahasim me situatën në Facebook. Ai gjithashtu deklaroi, se përparimi në karrierë, duket se ndodh më shpejt në Meta, në krahasim me Google, ku përparimi shpesh varet nga vjetërsia.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
