MediaTIK, forumi i parë kushtuar revolucionit dixhital në media, trajtoi sfidat e gazetarisë shqiptare në teknologji - Business Magazine Albania

MediaTIK, forumi i parë kushtuar revolucionit dixhital në media, trajtoi sfidat e gazetarisë shqiptare në teknologji


Organizuar nga Microsoft në bashkëpunim me Shoqatën e Unionit të Gazetarëve Shqiptarë dhe me mbështetjen e ICTSmedia, kjo Tryezë e Rrumbullakët synon të përcaktojë konceptet themelore.

U mbajt ditën e Premte në ambientet e Hotel Xheko Imperial, tryeza e rrumbullakët MediaTIK, i pari forum në Shqipëri dedikuar revolucionit dixhital në Media.

Jetojmë në epokën e transformimeve dixhitale ku media natyrshëm është prekur thelbësisht si në përmbajtjen e editorialeve ashtu edhe në mënyrat sesi mblidhet dhe shpërndahet lajmi apo informacioni tek qytetari.

Organizuar nga Microsoft në bashkëpunim me Shoqatën e Unionit të Gazetarëve Shqiptarë dhe me mbështetjen e ICTSmedia, kjo Tryezë e Rrumbullakët synon të përcaktojë konceptet themelore, të analizojë faktorët kryesorë ekonomikë, politikë, teknologjikë dhe kulturorë në prodhimet mediatike, të shkëmbeje ide dhe praktika te vlefshme sesi gazetarët mund të përdorin teknologjinë, në mbështetje efikasitetit te tyre në punë, si dhe trendet në zhvillim në këtë fushë.

Kësaj tryeze ju bashkuan Kryetari i Unionit të Gazetarëve të Shqipërisë, Aleksandër Çipa, Drejtori ekzekutiv i Microsoft Albania Sokol Vladi, drejtuesi i ICTSmedia Kushtrim Shala, përfaqësues të AMA, gazetarë nga media të njohura si RTSH, Gazeta Express, Panorama, Business Magazine, pedagogë nga Shqipëria dhe Kosova.

“Ndryshe nga koncepti klasik për termin revolucion, ky fenomen në teknologji ngelet një proces i hapur, dhe ne jemi pikërisht në këto sfida dhe pa i njohur sfidat që sjell teknologjia në media ne nuk ja dalim dot në garën globale të informacionit,” tha Kryetari i Unionit të Gazetarëve Aleksandër Çipa

“Ky është fillimi i një impakti të lartë në adresimin e sfidave të reja që shoqëria shqiptare ka sot dhe ajo çfarë ne kemi menduar të ndërtojmë është sesi mund të rrisim kapacitet e përdorimit të teknologjisë në fushën e gazetarisë dhe në publikimet e tyre,” u shpreh Drejtori ekzekutiv i Microsoft Albania Sokol Vladi.

E përbërë nga dy sesione ky forum pati të ftuar special virtual Drejtorin e Microsoft për 15 Shteteve të Evropës Juglindore dhe Lindore Michael Kogeler si dhe trajtoi dy tema kryesore: gazetaria, elaborimi i trendeve, mjeteve dhe teknologjive të fundit në këtë drejtim; fuqia e medias sociale, transformimi nga një gazetar në një influencer.

Lidhur me revolucionin dixhital, përfaqësuesi i ICTSmedia Kushtrim Shala tha se “Konsumatori sot nuk është vetëm para kompjuterit por para telefonit dhe shumë pajisjeve të tjera dhe ai zgjedh se kur e do, ku e do dhe në çfarë forme e do informacionin.“

Në një komunikim përmes Skype Drejtori i Microsoft për 15 Shtete të Evropës Lindore dhe Juglindore, Michael Kogeler cili foli rreth sfidave që përfaqëson sot transformimi dixhital në botë në terësi dhe në media në veçanti.

“Transformimi dixhital nuk do të thotë se puna juaj është në rrezik por do të thotë se kemi nevojë për ndryshim. Sipas disa studimeve media është sektori i dytë i cili kërkon më së shumti transformimin dixhital,” tha Michael Kogeler.

Disa prej sfidave që u shtruan nga ky diskutim i hapur ishin:

  • Mungesa e programeve të trajnimeve të gazetarëve; ndërtimi i një sistemi edukimi për përdorimin e shëndetshëm të teknologjisë nga komuniteti i medias
  • Përdorimi i softuerit dhe teknologjisë së pirateruar dhe problemet që sjell ky fenomen ndikon jashzakonisht shumë punën e përditshme të një gazetari në Shqipëri
  • Nevoja për gazetarë të specializuar për çështjet e teknologjisë, inicimi i programeve për popullatën në lidhje me risitë teknologjike.
  • Ruajtja e të drejtave të autorit në epokën dixhitale

Dy seanca trajnimi të Office 365 dhe Microsoft Sway nga Vlora Ademi dhe Bisera Ristikj rreth mundësive që ofrojnë për organizatat mediatike dhe gazetarët në veçanti.

Takimi u mbyll nga komunikimi përmes Skype me Dragana Vukajloviç dhe Tanja Tatomirovic, të cilat trajtuan temat “Nga Gazetaria në Media Sociale” dhe “Vetëbrandimi dhe Media Sociale”.

Fenomeni i dixhitalizimit po ndodh me një dinamike të lartë është krijuar një nevojë urgjente për një bashkëpunim më të ngushtë të komunitetit të medias me atë të teknologjisë në këtë rrugëtim transformimi për të arritur një përshtatje natyrale me ketë realitet të ri dixhital.

Sot bota shpenzon 14 minuta në ditë duke lexuar gazeta. Një fëmijë në Afrikë me një telefon intelgjent ka më shumë informacion sesa vetë presidenti i SHBA kishte 15 vite më parë, kjo është fuqia e dixhitalizimit të informacionit dhe medias.

“Temë e duhur në kohën e duhur dhe aktivitete të tilla duhet të jenë sa më të shpeshtam sepse teknologjia po ecën por menaxhmenti i subjekteve audio vizive po vuan,” ishte fjalë e  përfaqësuesit të AMA. /ICTSmedia

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0