A ka të ardhme për të rinjtë në Shqipëri? - Business Magazine Albania

A ka të ardhme për të rinjtë në Shqipëri?

Këtë javë paralelisht me episodin e ri të LiveMe Show and Podcast nga Kristi Kumria, u lançua edhe numri i 25 i revistës nga Business Magazine Albania. Një numër special ky, i cili përmban shpalljen e fituesit të titullit sipërmarrësi i vitit si dhe startupi i vitit. 

Këtë episod Kristi ftoi Eglent Bicin, Kristi Mukollarin dhe Donika Volaj për të diskutuar mbi një temë aktuale për të gjithë të rinjtë në Shqipëri.

Konkretisht, a mund të zhvillohen të rinjtë në Shqipëri?

Lexo: Elon Musk jep 100 milionë dollarë për kë investon në teknologjinë e kapjes së CO2

Sipas Eglentit, bazuar në eksperiencat dhe njohjet e tij, Shqipëria është vendi ku potenciali gëlon, por fatkeqësisht nuk përdoret ose harxhohet në aktivitete të cilat nuk i shtojnë vlerë zhvillimit të brendshëm. Eglenti këshillon të rinjtë të mësojnë nëpërmjet eksperiencave të reja në treg dhe të guxuarit, pasi shkolla, thekson ai, është thjesht një pikë e vogël në oqeanin e mundësive.

Në vijim Kristi Mukollari na tregoi për një nismë të cilën ai, bashkë me shumë studentë të tjerë, ideuan dhe me të cilën janë angazhuar për pak kohë tashmë. E quajtur Dritarja e Mundësive, ajo është një hapsirë e lirë  ku të rinjtë mund të kërkojnë mundësi zhvillimi dhe karriere si: punësim, trajnime, praktika, kurse etj. Donika ndau me ne gjithë bumin e madh që pati kjo platformë në vetëm një muaj që prej krijimit të saj

Dritarja e Mundësive është e mbështetur mbi një punë tërësisht vullnetare dhe jo fitimprurëse nga ana monetare, por e inspiruar nga mesazhet dhe mirënjohja e të rinjve të cilët po gjejnë mundësitë që kërkojnë me ndihmën e saj. Megjithatë Eglenti, përpos përgëzimeve, u sugjeroi dy të rinjve të mendojnë për objektiva afatgjatë në lidhje me platformën. 

Lexo: NASA zbulon ujë në sipërfaqen e Hënës

Kristi sqaroi se Dritarja jo vetëm po ofron mundësi punësimi dhe praktika por po zhvillohen edhe konferenca rinore dhe seminare me qëllim parësor ndihmën ndaj të rinjve shqiptar, ku çdokush mund të marri pjesë.

Për këdo që është i interesuar të ndjekë këtë episod, për të marrë më shumë informacion për platformën Dritarja e Mundësive si dhe për të përfituar disa truke marketingu nga Eglent Bici, mund të klikoni në videon e mëposhtme apo të vizitoni të gjithë platformat e Business Magazine Albania. 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0