Markat më të vlefshme në botë për vitin 2017 - Business Magazine Albania

Markat më të vlefshme në botë për vitin 2017


Për pesë vitet e fundit, Apple mbajti titullin e markës më të vlefshme në botë. Këtë vit, krijuesi i iPhone humbi vendin e parë nga Google, sipas renditjes globale të Brand Finance.

Ndërsa vlera e markës Apple ra me 27% në 107.1 miliardë $ në 2016, Google u rrit në 109.5 miliardë $. Amazon, me 53% rritje të vlerës së markës, ishte afër me 106.4 miliardë $.

Tetë nga 10 markat më të mira në listën e Brand Finance 2017 janë amerikanë, duke reflektuar dominimin global të markave amerikane.

Pra, ku e lë kjo pjesën tjetër të botës?

Duke përdorur renditjen e Brand Finance, faqja e informacionit të kostos HowMuch.net ka marrë markat më të vlefshme në vendet e përzgjedhura dhe i ka kthyer ato në një hartë. Çdo shtet është me përmasa të tilla që reflekton vlerën globale të markës së saj më të madhe.

Pas Google, marka tjetër më e vlefshme kombëtare është Samsung e Koresë së Jugut, e cila është në vendin e gjashtë në listën globale me 66.2 miliardë $. Pastaj është banka kineze ICBC, e renditur e 10-ta, me një vlerë prej 47.8 miliardë $.

Prodhuesit e makinave Toyota (Japoni) dhe BMW (Gjermani) janë në radhë, respektivisht me vlera të markave prej 46.3 miliardë $ dhe 37.1 miliardë $. Shell, kompani shumëkombëshe e naftës dhe gazit e bazuar në Holandë është markë me vlerë 36.8 miliardë $.

Megjithatë, markat kryesore të shumicës së vendeve kanë vlerë më të vogël se 25 miliardë $. Në të gjithë Amerikën Latine, markë më e vlefshme është kompania meksikane e energjisë Pemex, me 8.5 miliardë $. Në Azi, është konglomerati i Tata i Indisë, me 12.9 miliardë $. Asnjë markë afrikane nuk shfaqet në hartë.

Markat më të fuqishme në botë

Lego mund të ketë një vlerë relativisht modeste prej 7.6 miliardë $ por kur bëhet fjalë për fuqinë e dukshme, marka më e madhe e Danimarkës shënon më shumë se pesha e saj ekonomike.

Kjo sepse Lego merr rezultate të larta me metrika të tilla si familjariteti, besnikëria, promovimi, investimet e marketingut, kënaqësia e stafit dhe reputacioni.

Kodet e ngjyrave në hartë tregojnë forcën e markës, me Lego dhe Google (markat më të fuqishme) në ngjyrë blu të errët. Shumë marka të mirënjohura duke përfshirë Samsung, BMW, Shell, Ikea dhe Nestle janë në rreshtin e ardhshëm poshtë, në ngjyrën blu të hapur.

Me shenja që variojnë midis 70 dhe 80, markat kryesore të tregut duke përfshirë Santander, Tata dhe Vodafone janë me ngjyrë rozë. Vetëm dy markat kryesore kombëtare, Taiwan Semiconductor dhe PTT Tajlandë, me ngjyrë të kuqe, kanë rezultate më pak se 70.

Burimi: weforum.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0