Një pikë e re për grumbullimin e prodhimeve ushqimore, investim i Bashkimit Europian, është përuruar në Librazhd.
Me sipërfaqe 300 m2, pika e grumbullimit, u shërben 360 fermerëve për grumbullimin, magazinimin, promovimin dhe tregtimin e prodhimeve të ndryshme që realizojnë ata.
Ambasadorja e BE, Christiane Hohmann u bëri thirrje fermerëve të shtojnë prodhimet e tyre, të cilat tashmë do të marketohen jo vetëm në tregun vendas, por edhe të huaj. “Kjo pikë grumbullimi ju vjen ju në ndihmë, jo vetëm për t’i grumbulluar produktet tuaja, por për ti paketuar, magazinuar konform të gjitha kushteve dhe për t’i nxjerrë në treg, jo vetëm në tregun vendas. Është një vlerë e shtuar për ju. Kjo është gjë e mirë për ju, por edhe për të ardhmen tuaj në tregjet europiane, duke garantuar standardet e kërkuara. Po ashtu sfidë, që jam e bindur ju do t’ia dilni, do të jetë që këtë qendër ta vazhdoni ta menaxhoni edhe pas projektit, ju si fermerë dhe pushteti vendor”, tha ambasadorja Hohmann. , në çeljen e kësaj pike.
Investimi është bërë i mundur në kuadër të projektit “Jo drogë, pikë grumbullimi”, ku 1500 të rinj kanë marrë informacion për riskun e përfshirjes në aktivitete të paligjshme.
Me rastin e inaugurimit të pikës së grumbullimit është organizuar edhe një panair me produktet bio të zonës. Librazhdi numëron me qindra fermerë, por edhe më shumë bletërritës, mjalti i të cilëve është i njohur për vlerat e tij.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English