Çfarë ndodh kur të rinjve u jepet hapësira për të krijuar, menduar ndryshe dhe ndërmarrë veprime konkrete për të ardhmen? Përgjigjja erdhi nga Festivali Kombëtar i Sipërmarrjes Gen-E Albania 2025, i cili mblodhi në Tiranë rreth 150 pjesëmarrës dhe 26 kompani nxënësish nga shkollat e mesme të gjithë vendit.
Organizuar nga Junior Achievement of Albania (JAA), ky festival shërben si kulmim i programit “Shoqëritë e nxënësve”, një nismë e mbështetur nga Fondacioni Shqiptaro-Amerikan për Zhvillim (AADF), e cila nxit dhe formon mendimin sipërmarrës që nga klasat e para deri në universitet. Nxënësit pjesëmarrës prezantuan ide dhe prototipe që synojnë zgjidhjen e problemeve konkrete në komunitet, në fusha të ndryshme si teknologjia dhe zhvillimi i softuerëve, artizanati, mjedisi, bujqësia, mirëqenia dhe shëndeti mendor.
Në këtë edicion ishin të pranishëm edhe figura të rëndësishme si bashkëdrejtorët ekzekutivë të AADF, z. Martin Mata dhe z. Aleksandër Sarapuli, si dhe CEO i JA Europe, z. Salvatore Nigro, të cilët përshëndetën pjesëmarrësit dhe përgëzuan të rinjtë për kreativitetin dhe shpirtin e tyre ndërmarrës.
Kompania fituese e këtij viti u shpall “Silver Spring” nga shkolla e mesme “Arben Broci” në Tiranë, e cila do të përfaqësojë Shqipërinë në konkursin evropian Gen-E Europe, që do të zhvillohet në Athinë gjatë muajit korrik.
Gen-E Albania vazhdon të dëshmojë se investimi në arsimin ndërmarrës është çelësi për të ndërtuar një brez të aftë për të sjellë ndryshim dhe zhvillim të qëndrueshëm në vend.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
