Ku gabojnë lehtë njerëzit e zgjuar?


Ndonjëherë më të zgjuarit midis nesh humbasin nëpër mendimet e tepërta dhe në mbingarkesën e punëve dhe humbasin gjurmët e të vërtetave të thjeshta që janë të dobishme në lidership dhe jetë.
Për ata që harrojnë shpejt të vërtetat, ja 12 mënyra të thjeshta për t’i kujtuar.

1. Kurrë mos e ngatërroni arsimimin me inteligjencën
Bill Gates, Steve Jobs, dhe Frank Lloyd Wright ishin të gjithë braktisës të universitetit. Mund të keni të gjithë edukimin e botës po të doni, dhe në fund s’keni ç’ti bëni. Ose mund ta nisni nga diçka e vogël dhe me pasion e përkushtim bëheni jashtëzakonisht të suksesshëm. Përdoreni inteligjencën për t’ju çuar aty ku doni ju, cilado qoftë rruga më e mirë për ju.

2. Dhimbja mund të jetë pozitive
Dhimbja është pjesë e nevojshme e rritjes dhë mësimit; mund të na mësojë ne shumë gjëra rreth vetes sonë. Dhimbja e sotme çon në fuqinë e së nesërmes, dhe çdo sfidë që ju hasni mban me vete mundësinë për rritje.

3. Ju jeni shef i jetës suaj
Edhe pse punoni për dikë tjetër, edhe pse jeni në fund të organigramës së organizatës, ju jeni CEO, CFO dhe COO-ja e jetës suaj. Ju po investoni çdo ditë te vetja juaj me veprimet dhe gjërat që mësoni, dhe po e shisni veten çdo ditë me fytyrën që i tregoni botës.

4. Dështimi është një hap që të çon drejt suksesit
Shumë njerëz të zgjuar tmerrohen nëse bëjnë ndonjë gabim, por të mos rrezikoni kurrë nga frika e dështimit është si helm që ju vret ngadalë. Dështimi na mëson disa nga mësimet më të vlefshme që mund të mësoni ndonjëherë, dhe pasja e kurajos për të vazhduar çon drejt zgjuarsisë.

5. Pritshmëritë e ulëta dhe mbrojtja e mirë
Nëqoftëse e vendosni stekën e ulët, nuk do të zhgënjeheni kurrë. Mësoni ta lini diçka të ikë më mirë se sa të prisni për të. Jeta thjesht na surprizon.

6. Problemet vijnë nga brenda vetes
Ne të gjithë kemi raste me njerëz të vështirë herë pas here. Por nëse keni në mënyrë rutinore probleme me partnerin, kolegët, klientët ose bashkëshortin, duhet të pyesni veten se cili është problemi i vërtetë. Mbase duhet tí hedhim sytë brenda vetes.

7. Ia vlen t’i mbajmë standardet e larta
Do të ketë gjithmonë një person i cili do të na thotë që të servilosesh e të bësh “lustra” është e vetmja mënyrë për t’ia dalë në krye. Janë gabim, dhe do të vijë një ditë kur ky lloj mendimi i gabuar do të jetë ‘gropa’ e tyre. Fitoni të drejtën për t’i mbajtur të tjerët në standarde të larta duke e bërë vetë këtë gjë në radhë të parë.

8. Potenciali nuk ka asnjë vlerë për aq kohë sa nuk realizohet
Askush nuk e humb potencialin, por shumë humbasin vulnetin ose zotësinë për ta kthyer atë në arritje. Arsyeja kryesore që njerëzit dështojnë të arrijnë potencialin e tyre të plotë? Ata nuk janë të pavullnetshëm për të ndërmarrë riskun përsipër.

9. Negativiteti helmon shpirtin
Negativiteti është si tsunami: merr fund shumë shpejt dhe merr përpara çdo gjë që i del në rrugën e tij. Kur mësoni të jeni pozitivë, i prisni rrugë gjakut të negativiteti, dhe e hapni veten për gjërat e mrekullueshme që mund të ndodhin.

10. Suksesi nuk është çelësi i lumturisë 
Në vend që të synojmë të bëhemi të suksesshëm, ne duhet të punojmë për të qenë një person me vlera, që është vendi ku shtrihet rruga drejt lumturisë.

11. Nëse prisni derisa të jeni gati, do të prisni për të gjithë pjesën e mbetur të jetës.
Është gjithmonë tunduese pritja: pritja për momentin e duhur, për projektin e duhur, për mundësinë e duhur, për çdo gjë që të jetë perfekte. Nëse doni të bëni diçka, planifikoni, përgatitni dhe më pas bëni hapin.

12. Ti i detyrohesh diçka botës, dhe jo bota ty
Në vend që të pyesim veten se çfarë mund të përfitojmë nga bota, duhet ta pyesim atë për atë që mund të japim ne. Kur e bëni këtë, ndryshon perspektivën. Kjo ndryshon gjithçka.

Tregohuni të zgjuar, por mbani në mendje: Zgjuarsia është shumë mirë ta kesh…por të dish të vërtetën është më e mira.

 

/Shkruar nga Lolly Daska, Publikuar në Inc.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale