Zuckerberg zotëron 16% të kompanisë dhe pasuria e tij ra në rreth 69 miliardë dollarë, sipas Forbes.
The Observer raportoi këtë fundjavë se një kompani e quajtur Global Science Research (GSR) mori dhjetëra miliona profile në Facebook dhe ia shiti të dhënat Cambridge Analytica, një shoqëri e cila ka ndihmuar Donald Trump gjatë zgjedhjeve presidenciale të 2016-s dhe fushatën pro Brexit, duke shfrytëzuar të dhënat e mbi 50 milionë përdoruesve të Facebook. Cambridge Analytica ka mohuar se ishte në dijeni që të dhënat janë marrë në mënyrë të paligjshme.
Kompania ka njoftuar të Hënën se do të angazhojë një firmë dixhitale për të kryer një kontroll të “Cambridge Analytica” për të përcaktuar nëse kompania ka ende një kopje të të dhënave në fjalë.
Lexoni: Si i përcakton Facebook pagat e punonjësve?
“Nëse këto të dhëna ende ekzistojnë, do të ishte një shkelje e rëndë e politikave të Facebook dhe një shkelje e papranueshme e besimit dhe angazhimeve që këto grupe bënë,” tha Facebook në një deklaratë.
Të Hënën, senatori amerikan Ron Wyden i dërgoi Zuckerberg një listë të hollësishme të pyetjeve që lidhen me shkeljen, me një kërkesë për përgjigje deri në datën 13 Prill.
“Është koha që Mark Zuckerberg të mos fshihet pas faqes së tij në Facebook,” tha deputeti konservator Damian Collins, kryetar i komitetit të dixhitalit, kulturës, medias dhe sportit.
Të tre kompanitë e mediave sociale Facebook, Twitter dhe Google dëshmuan në Washington vjeshtën e kaluar, pas zbulimit se platformat e tyre ishin përdorur nga agjentët e huaj që kërkonin të influencoheshin ilegalisht në zgjedhjet presidenciale të SHBA. Të tre kompanitë dërguan këshilltarët e tyre të përgjithshëm, një veprim që u kritikua në atë kohë. Nuk ka gjasa që Zuckerberg të mund të shmangë pyetjet e Kongresit për herë të dytë.
Ekspertët kanë kritikuar gjatë praktikat e privatësisë së Facebook-ut, por paralajmërimet e tyre kanë bërë pak për të penguar shkeljen e të dhënave të përdoruesve – që deri tani numërohen më shumë se 2 miliardë në mbarë botën – nga logimi në platformë.
Nëse skandali do të rezultojë në ndryshime aktuale në besimin e përdoruesit të kompanisë, kjo mbetet për t’u parë, por hashtagu #DeleteFacebook është bërë virale në Twitter, ndërsa përdoruesit ndanë qëllimin e tyre për të dalë nga rrjeti social për të mirën e tyre. Të tjerët tweeted #WheresZuck, në lidhje me heshtjen e ekzekutivit.
Gjithashtu të hënën, New York Times raportoi se përgjegjësi për sigurinë e informacionit tw rrjetit social Facebook, Alex Stamos, ka dhënë dorëheqjen për shkak të skandalit me “Cambridge Analytica”.
Lexoni: Çmimi i reklamave në Facebook po rritet pas ndryshimit të News Feed
Për këtë çështje ka reaguar edhe Bashkimi Europian, duke e konsideruar të papranueshme përdorimin e të dhënave personale të përdoruesve të Facebook për qëllime politike. Gjithashtu njoftoi se shumë shpejt do të veprojë për të mbrojtur qytetarët europianë nga keqpërdorimi i të dhënave të tyre në rrjetet sociale.
burimi: The Guardian
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
