Në Facebook, paga nuk ka negociata.
“Drejtësia në pagesa është diçka shumë e rëndësishme për ne,” thotë zëvendës presidentja e Burimeve Njerëzore pranë Facebook, Janelle Gale. “Ne shpenzojmë shumë kohë për t’u siguruar se ky është një sistem i drejtë.” Glassdoor së fundmi e ka cilësuar gjigandin e teknologjisë si vendi më i mirë i punës për vitin 2018.
Sipas këtij portali punësimi, paga mesatare vjetore në Facebook është 120,000 $, ndërkohë që totali mesatar i shpërblimit është rreth 155,000 $.
Por këto gjashtë shifra nuk janë rezultat i kandidatëve dhe punonjësve që punojnë shumë, tha Gail. Facebook ka sistemin e tij të përcaktimit të shpërblimit, i cili llogarit faktorë si kategoria e punës, niveli i eksperiencës dhe vendodhja. Ka nivele të ngushta të pagave potenciale për të cilat një punonjës i ardhshëm mund të kualifikohet, bazuar në nivelin dhe rolin e tij.
Ja se si përcaktohen pagesat dhe rritjet e rrogës pranë Facebook:
- Nuk ka shumë hapësirë për negociata, dhe për këtë ka një arsye.
Negociatat janë një aftësi e rëndësishme.
Por jo kur bëhet fjalë për Facebook.
“Ne nuk duam të hyjmë në bisedime, sepse kjo do të thotë që kush është negociuesi më i mirë fiton,” tha Gale. “Ne nuk po ju punësojmë për aftësitë tuaja të negocimit, vetëm nëse jeni në një rol negociator, si zhvillimi i biznesit apo çfarëdo lloj gjëje tjetër”.
Nuk ka shumë hapësirë për të punësuarit me përvojë për të negociuar, ndërkohë që pagesa për kandidatët e rinj varet e gjitha nga formula.
- Pagat e mëparshme dhe aktuale të kandidatëve mund të merren në konsideratë.
Kandidatët gjithashtu kanë mundësinë t’i tregojnë Facebook situatën e tyre aktuale.
“Ne duam të punësojmë njerëz bazuar në përvojën dhe atë që këta persona mund të bëjnë për Facebook, kështu që ne e marrim në konsideratë situatën e tyre aktuale,” tha Gale. “Nëse vlera totale është më e ulët se e kandidatëve të tjerë, një analist kompensimi do të punojë për të bërë një ofertë tjetër konkurruese.”
Dhe nëse paga e propozuar është më shumë se ofertat aktuale, atëherë jepet drita jeshile.
- E gjitha është drejtësi.
Gale tha se formula e Facebook ndihmon në përjashtimin e diferencave që mund të ndodhin midis njerëzve të ndryshëm që ata punësojnë.
Për shembull, studimet tregojnë se femrat kanë tendencën të pranojnë ofertën e parë që ju jepet, ndërkohë që meshkujt negociojnë për më shumë. Dhe sipas kërkimit të bërë nga McKinsey & Co., kur femrat kërkojnë më shumë ato gjykohen si shumë agresive.
“Ne bëjmë shumë kërkime për punët që ofrojmë bazuar në kategorinë e punës, nivelin dhe vendodhjen,” tha Gates.“Ne kemi një pozicion shumë strikt rreth kompensimit”.
/Inc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
