Fëmijët sot janë të fiksuar pas kujdesit të lëkurës. Kurioziteti i tyre për të gjitha llojet e kremrave, xhelit, maskave të fytyrës u ka dhënë atyre një emërtim viral: ‘Sephora Kids’ ose ‘Fëmijët e Sephora-s’.
Ekspertët e kujdesit të lëkurës po e përshëndesin faktin që fëmijët po investojnë kohë në kujdesin e lëkurës së tyre. Në të njëjtën kohë, ata janë të shqetësuar se këta konsumatorë të rinj po e trajtojnë lëkurën në një mënyrë të rrezikshme, dhe po i shkaktojnë dëme të panevojshme si skuqje, reaksione alergjike dhe madje edhe djegie të lëkurës.
Në një dyqan Sephora në qytetin e Nju Jorkut, një punonjës tha se tween(fëmijët e moshës 10-12 vjeç) shpesh blejnë, duke mos kërkuar këshilla ose rekomandime nga stafi dhe duke kërkuar markat e shtrenjta të kujdesit të lëkurës, si Drunk Elephant, Gloë Recipe dhe Laneige, që janë reklamuar nga Influencerat.
Lexo: Nga pasioni tek udhëtimet tek sipërmarrja në Arabi, njihuni me Kuksianin Isa Krasniqi
Dr. Stacey Tull, një specialiste e dermatologjisë kozmetike shqetësohet se adoleshentët po marrin produkte si retinoli, pa e kuptuar siç duhet përdorimin e tyre.
Retinoli është një formë e vitaminës A dhe është një product i njohur që përdoret për të përmirësuar rrudhat në fytyrë.
Tweens definitivisht nuk kanë nevojë të përdorin retinol, thotë Tull. Produktet e retinolit që shiten në dyqanet e produkteve të bukurisë, tha ajo, janë për lëkurën e pjekur dhe jo për fëmijët.
Por nxitimi në Sephora për të gjetur produkte mund të jetë i dëmshëm. Tre produktet që ajo inkurajon që tweens të përdorin janë pastrues të butë dhe hidratues që janë të përshtatshëm për lëkurën e tyre dhe kremrat e diellit.
Ekspertët thonë se kanë parë një numër rastesh të reaksioneve alergjike të shkaktuara nga produkte të cilat nuk janë të përshtatshme për fëmijët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
