Google ka ndarë 1 milion dollarë bursa për shkencëtarët e rinj të Institutit bullgar të Shkencave Kompjuterike, Inteligjencës Artificiale dhe Teknologjisë (INSAIT), të lidhur me Universitetin e Sofjes, “St. Kliment Ohridski”.
Bëhet e ditur se ky donacion shënon një nga kontributet më të mëdha të gjigantit teknologjik në mbarë botën gjatë vitit 2024. “Kjo tregon se Bullgaria është e aftë të prodhojë arritje shkencore të klasit botëror”, tha Ministri bullgar i Arsimit, Galin Tsokov.
Gjithashtu, ai theksoi rëndësinë e investimit në një institucion shkencor, duke reflektuar besimin në arritjet e tij, shkruajnë mediat e huaja.
Lexo: Hapet akademia më e madhe e inovacionit për fëmijët dhe të rinjtë: Korça ICT Academy
Ndër tjera, ministri vuri në pah edhe rëndësinë dhe arritjet mbresëlënëse të INSAIT në një kohë të shkurtër. Ndryshe, fondet shtesë synojnë të mbajnë talentet më të mira bullgare në shkencat ekzakte, duke nxitur zhvillimin e tyre dhe kontributet globale nga brenda Bullgarisë.
Siç raportohet, financimi i Google do të forcojë fokusin e INSAIT në fushat kryesore të Inteligjencës Artificiale, duke përfshirë modelet e gjuhës në shkallë të gjerë, vizionin kompjuterik, përpunimin e gjuhës natyrore dhe mësimin e makinerive
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
