Ndërsa entuziazmi është ende i lartë për njoftimin e NASA-s për katër astronautët që do të nisen në Hënë vitin e ardhshëm, Astrolab , një kompani hapësinore me bazë në Hawthorne, Kaliforni, tha se ka arritur një marrëveshje me SpaceX për të nisur roverin (robot hapsinor) privat në Hënë.
Ai do të quhet Flexible Logistics and Exploration (FLEX) dhe do të jetë në bordin e një misioni të anijes kozmike Starship.
Sipas Astrolab, misioni është planifikuar për mesin e vitit 2026. Kur të arrijë, FLEX do të jetë roveri më i madh dhe më i gjithanshëm që ka punuar ndonjëherë në sipërfaqen hënore, i aftë të mbajë deri në 1500 kg ngarkesë.
FLEX duket si një makinë me katër rrota me një kapacitet të vogël motori dhe një peshë mbi dy ton kur është plotësisht e ngarkuar.
Ai do të jetë në gjendje të mbajë dy astronautë, të cilët do të mund ta drejtojnë mjetin me duart e tyre.
Lexo: Musk e pranon se shumë gabime janë bërë gjatë drejtimit të Twitter
I pajisur me katër rrota, ai mund të kapërcejë lloje të ndryshme pengesash dhe terrenesh. FLEX është projektuar gjithashtu për t’u kontrolluar nga distanca në mungesë të operatorëve njerëzorë dhe është i pajisur me një krah robotik.
Inxhinierët parashikojmë që kjo qasje do të ndihmojë në krijimin e një poste të përhershme në Hënë me një kosto më të ulët dhe në më pak kohë se sa ishte parashikuar më parë.
Inxhinierët e FLEX parashikojnë gjithashtu se roveri mund të operojë edhe në misionet e ardhshme në Mars. astrolab
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
