Trajneri i shitjes Denis Gafuri ka ndarë në një intervistë me Businessmag eksperiencën e tij nga konferenca më e madhe për shitjet në botë – 10X Growth. Kjo konferencë u organizua nga Grant Cardone në Miami, Florida, në stadiumin Marlins Park ku 12 sipërmarrës të jashtëzakonshëm ndanë njohuritë dhe eksperiencën e tyre në shitje dhe marketing. Këtë event e ndoqën 30.000 pjesëmarrës nga e gjithë bota.
Konferenca bazohet në faktin që 10X është mendimi i duhur, i kombinuar me sasinë e duhur të veprimeve në të gjithë interesat e jetës sonë, për të arritur një jetë të jashtëzakonshme. 10X do të thotë të japësh dhjetë herë më shumë energji, përpjekje, kohë dhe para më shumë se sa ju ose të tjerët mendoni se është e përshtatshme për të arritur qëllimin dhe suksesin tuaj.
Folës të klasit botëror, si Grant Cardone, Steve Harvey, Ryan Deiss, Sara Blakely, Tai Lopez etj, që përfaqësojnë industri të ndryshme në shitje dhe marketing ndanë pasionin dhe njohuritë e tyre për të shtyrë kufijtë e asaj që mendojnë se është e mundur në karrierën dhe në jetën tuaj.
Cilat ishin pikat më interesante nga konferenca 10X GROWTH?
1. Kur takohesh me njerëz të rinj, mendo se çfarë mund të bësh për ta.
2. Shitja është aftësia më e vlefshme që mund të kesh.
3. Shite veten së pari (ndërto raport, fitoje besimin) e më pas shit shërbimin apo produktin që ofron.
4. Krijo jetë më të mirë duke u përmirësuar në shitje.
5. Suksesi ynë është i bazuar në faktin se sa mirë janë duke punuar njerëzit që janë rreth nesh.
6. Bëj listën e prioriteteve 1.Must do, 2. Have to dhe 3. FUCK list (mos u merr me to).
7. Jep më shume se sa merr.
8. Eshtë e pamundur ta teprosh me shpenzimet në marketing (Mos kurse në marketing).
9. Hiqini pengesat në raporte bashkëshortore dhe mendoni si një person i vetëm. Fokusohuni në gjëra të mëdha për ju dhe për të ardhmen tuaj.
10. Vendosni objektiva të përbashkëta, strategjike dhe afatgjata si partner dhe askush nuk mund t’ju thyejë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English