Klaudia Goldin (o. Claudia) është kurorëzuar si nobelistja e vitit 2023 për Ekonominë për studimin e rolit të grave në tregun e punës.
Akademia Suedeze e Shkencave tha të hënën se ekonomistja amerikane “ka paraqitur qartë sa kanë qenë fitimet e grave dhe pjesëmarrja e tyre në tregun e punës përgjatë shekujve. Studimet e Goldinit zbulojnë modele të reja, identifikojnë shkaqet e ndryshimit, por po ashtu tregojnë burimin kryesor të hendekut gjinor në këtë drejtim.”
Profesorja e Universitetit të Harvardit pritet të shpërblehet me 10 milionë krona suedeze (907 mijë dollarë).
Çmimi i vitit të kaluar shkoi po në SHBA për ekonomistët Ben Bernanke, gjithashtu ish-guvernator i Bankës Qendrore Amerikane, Dagllas Dajmond (o. Douglas Diamond) dhe Filip Dibvig (o. Philip Dybvig) për punën e tyre mbi bankat dhe krizat financiare.
lexo: Rikthehet rritja e inflacionit në shtator
Komiteti Nobel tha se kërkimet e tyre në fillim të viteve 1980 “përmirësuan në mënyrë të konsiderueshme të kuptuarit tonë për rolin e bankave në ekonomi, veçanërisht gjatë krizave financiare” dhe rëndësia e tyre u pa te shmangia e kolapsit të bankave gjatë krizës financiare 2008–09 dhe pandemisë Covid-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English