Duket sikur çdo mëngjes një raport i ri tregon se ChatGPT do të vrasë nje profesion, SEO, shkrime kopjimi, Google, kreativitet. Tani eshte edhe romanca në listën e viktimave të saj të mundshme sipas një studimi të ri nga McAfee, i publikuar një javë përpara Ditës së Shën Valentinit
McAfee anketoi mbi 5,100 individë dhe u bëri atyre një sërë pyetjesh në lidhje me situatën e tyre aktuale romantike dhe sesi do i shprehin ndjenjat e tyre. Studimi u ndal veçanërisht në pyetjet rreth përdorimit të mjeteve të AI si ChatGPT për të rritur komunikimin romantik.
Rezultatet treguan se 42% e meshkujve amerikanë planifikojnë të përdorin AI për të shkruar shënimin e Shën Valentinit këtë vit, krahasuar me më pak se një të pestën e femrave. Kjo përkundër faktit se 50% e të gjithë të anketuarve në SHBA thonë se pajtohen plotësisht me deklaratën “Do të lëndohesha ose do të ofendohesha nëse do të zbuloja se mesazhi im i Shën Valentinit ishte shkruar nga një makinë / Inteligjenca Artificiale”.
Megjithatë, hulumtimi i McAfee tregon se shumica e njerëzve as nuk do të ishin në gjendje të kuptonin nëse një letër e Ditës së Shën Valentinit ishte shkruar nga ChatGPT apo jo. Kur iu shfaq një letër dashurie e shkruar nga ChatGPT, 39% e të anketuarve thanë se ishte “e qartë se një person e kishte shkruar këtë”. Një tjetër, 37% thanë se nuk kishin se si ta kuptonin. Vetëm 24% e kuptuan drejt që letra ishte shkruar nga ChatGPT.
Ndoshta ajo që është më interesante është arsyetimi pse dikush do të zgjidhte të përdorte ChatGPT për të shkruar një kartë të personalizuar të Shën Valentinit për interesin e tyre të dashurisë:
32% thanë se letra e shkruar me AI do t’i bënte ata të ndiheshin më të sigurt.
24% thanë se nuk do të dinin çfarë të thoshin dhe nuk e dinë se çfarë dëshiron të dëgjojë partneri i tyre.
20% thanë se kjo është një gjë e efikasitetit pasi nuk kanë kohë.
10% të tjerë thanë: “Unë nuk besoj se dashuria ime ose partneri do ta kuptonin. Veç do të ishte e shpejtë dhe e lehtë.”
Çfarë mund të thuash? Kjo është dashuria në shekullin e 21-të, me sa duket.fastcompany
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
