Dikur punonjëse e Google, sot po e konkurron atë
Përditësuar së fundmi: 26/07/2017

Dikur punonjëse e Google, sot po e konkurron atë

Share
nga Anerola Torollari
Kor 26, 2017
Studied at Faculty of Science, Content Editor Biznesi at Business Magazine
lexo me teper >

Kërkimi në Google shpesh mund të shihet si një aktivitet i padobishëm. Një kuti kërkimi dhe miliona rezultate shfaqen me informacione të pafundme që mund të kërkojnë orë të tëra.

Startup-i me bazë në San Francisko, Node dëshiron ta ndryshojë këtë.

Udhëhequr nga themeluesja dhe drejtoresha ekzekutive Falon Fatemi, Node doli të Martën gati për të marrë përsipër qëllimin e saj të lartë për të ndryshuar mënyrën se si zbulojmë informacionin. Duke përdorur IA për t’ju lidhur ju dhe biznesin tuaj me mundësinë e duhur në kohën e duhur, Node dëshiron të “përshpejtojë kërkimin” në internet.

Teknologjia e mbetur në patentim e Node-it punon duke indeksuar njerëz, vende, produkte dhe kompani në vend të faqeve të internetit dhe duke përdorur këto të dhëna për t’i lidhur klientët me mundësitë e ndryshme. Deri më tani, ajo ka gjysëm miliardë profile. IA kupton marrëdhëniet midis njerëzve dhe kompanive dhe mund të bashkojë shtresën e të dhënave me të dhënat personale të klientit.

Lexoni: Pse Google po krijon një bllokues reklamash ndërkohë që është kompania më e madhe e reklamave në internet?

Node aktualisht integrohet me Salesforce dhe klientët mund të bëjnë pyetje si: “Cila kompani do të jetë më e interesuar për produktin tim?” Node do t’i tregojë konsumatorit se kush ose çfarë duhet të lidhet, pse doli me atë përgjigje dhe madje çfarë të thotë për ta shfrytëzuar më së shumti mundësinë. Kërkoni pa përdorur një kuti kërkimi.

“Kërkimi është me të vërtetë fantastik kur e dini se çfarë po kërkoni, por ne jetojmë në një botë ku ka shumë informacion të krijuar në një ditë të vetme sesa në vitet ‘90”, tha Fatemi.

Fondet e fundit të Node përfshijnë 10.8 milionë dollarë financim nga Seria A, të udhëhequr nga Avalon Ventures me pjesëmarrjen e Mark Cuban, NEA dhe Canaan Partners; Node ka ngritur 16.3 milionë dollarë fonde në përgjithësi. Fatemi thotë se ky qëndrim kishte për qëllim të demonstronte fuqinë e teknologjisë përpara lançimit zyrtar. Deri më tani, node ka fituar mbi 100 milionë dollarë në të ardhurat e konsumatorëve dhe ka identifikuar 4 miliardë dollarë të ardhura për bizneset dhe marketerët.

Fatemi është vajza e dy brezave të sipërmarrësve serialë: prindërit dhe gjyshja e saj. Ajo u bë punonjësja më e re e Google në moshën 19 vjeçare. Ajo punoi në zgjerimin global dhe partneritetet strategjike përpara se të punonte si konsulente në botën e startup-eve.

Tani për tani, Node po përqëndrohet për t’u vendosur në hapësirën e shitjes dhe marketingut, duke punuar me bizneset për të gjetur burime të mundshme të të ardhurave, por Fatemi sheh një botë ku teknologjia e Node mund të përdoret pothuajse për gjithçka.

Lexoni: Google po punëson ish-punonjësit e Apple për të ndërtuar proçesorë

Merrni, për shembull, një aplikacion si Tinder. Mënyra se si është vendosur aktualisht, në mënyrë që të gjeni një përshtatje të mundshme, duhet të kaloni nëpër qindra profile, duke shikuar të dhënat për secilin person para se të vendosni nëse ai ose ajo është personi që kërkoni. Node mund të eliminojë të gjithë procesin duke marrë informacionin që di për ju (background-in arsimor, interesat, moshën, etj.), duke gjetur atë të përsosur-in brenda grafikut të të dhënave. Ju mund të dini saktësisht pse njerëzit që kanë zgjedhur janë të pajtueshëm me ju dhe si bonus shtesë, mund t’ju tregojë se çfarë t’iu thoni atyre.

burimi: BusinessInsider