Google po punëson ish-punonjësit e Apple për të ndërtuar proçesorë


Gjigandi i kërkimit në internetit, Google ka punësuar inxhinierin me origjinë indiane Manu Gulati, arkitekti i çipeve të Apple për iPads dhe iPhone, për të luajtur një rol kyç në ndërtimin e telefonit të tij të ardhshëm, sipas raporteve të mediave.

Gulati, i cili kishte punuar në Apple për gati tetë vjet si një mikro arkitekt, njoftoi ndryshimin e punës nëpërmjet LinkedIn. Ai tani është Arkitekt i SoC për Google.

Ai ka të paktën 15 patenta të Apple që lidhen me dizajnin e çipeve nën emrin e tij dhe do të jetë personi kyç në planin e Google për të ndërtuar proçesorët e vet.

Google po zgjeron tani ekipin e tij të ekspertëve në mënyrë që të mund të ndërtojnë çipet e tyre për smartphone-ët e ardhshëm Pixel. Në të kaluarën, ai ka qenë përgjegjës për çipet A4 dhe A9 që mundësuan iPad 2010.

Apple aktualisht ndërton proçesoret e vet të smartphone, por Google jo. Ikja e Gulatit shihet si një pengesë për Apple, pasi ajo ka paraqitur një numër patentash që lidhen me çipet, të cilat e financojnë Gulatin si një shpikës.

Profili i Gulati në LinkedIn thotë se ai tani është arkitekti i Google i kryesuar nga SOC (System on a chip).  Ai gjithashtu ka qenë i punësuar nga Broadcom dhe AMD.

Me Gulati tani pjesë e ekipit të tij, Google mund të ketë një avantazh mbi kompanitë e tjera, ndërkohë që vjen si një goditje e rëndësishme për Apple me bazë në Cupertino.

“Apple paraqiti një total prej 15 patentash që lidhen me çipin, të cilat e financojnë Gulatin si një nga shpikësit. Disa nga këta skedarë përshkruajnë arkitekturën themelore të çipeve, ndërsa të tjerët janë më specifikë për disa aplikacione”, tha raporti.

Firmat e tjera, si Huawei dhe Samsung, gjithashtu kanë filluar të ndërtojnë vetë çipet e tyre, gjë që ju lejon atyre të mbështeten më pak te kufizimet që vijnë nga palët e jashtme.

Google konfirmoi se Gulati po punon tani për kompaninë, por nuk pranoi të ofronte detaje shtesë.

burimi: BusinessToday 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale