Në një intervistë të fundit në emisionin “The Late Show” me Stephen Colbert, ish-zëvendëspresidentja amerikane Kamala Harris ka rikthyer në vëmendje një çështje që shumë pak e marrin seriozisht: sigurinë e kufjeve pa tela.
E pyetur lidhur me një foto ku shihej me kufje tradicionale me tela, ajo pranoi se shpesh është tallur për këtë zgjedhje, sidomos në kohën kur shumica e njerëzve preferojnë kufjet pa tela si AirPods. Megjithatë, Harris theksoi se vendimi i saj nuk është thjesht një çështje stili.
“Kam qenë anëtare e Komitetit të Senatit për Inteligjencën dhe kam marrë pjesë në takime të klasifikuara. Mos e mendoni se askush nuk po ju dëgjon kur jeni duke përdorur kufje pa tela në tren. Kufjet me tela janë më të sigurta,” shpjegoi ish-zëvendëspresidentja.
Lexo edhe: OpenAI ofron ChatGPT për qeverinë amerikane thuajse falas, vetëm 1 dollar për agjenci
Deklarata e Harris ka nxitur një debat të gjerë në rrjetet sociale, ku shumë përdorues po rishikojnë përdorimin e pajisjeve të tyre audio dhe shqetësimet për privatësinë dhe sigurinë dixhitale. Madje, disa kanë pohuar se kanë vendosur të rikthehen tek kufjet klasike me tela, si Apple EarPods, që përdor edhe vetë Harris.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
