Çfarë duhet të presësh në një intervistë pune me Elon Musk?


Tesla dhe SpaceX ecin me një ambicie shumë të guximshme, për aq kohë sa kompania shkon përpara duke çuar dhe qenie njerëzore në Mars. Për të mbajtur këto qëllime në rrugën e duhur, Elon Musk duhet të punësojë disa nga njerëzit më të talentuar.

Sipërmarrësi ka zhvilluar disa praktika mjaft të veçanta punësimi gjatë viteve. Edhe në qoftë se objektivi i kompanisë tuaj nuk është popullimi i një planeti tjetër, ju mund të kanalizoni taktikat e tij për të gjetur kandidatët më të mirë. Më poshtë janë disa prej tyre.

  1. Intervistoni çdokënd vetë

SpaceX është tashmë një kompani me 5000 persona dhe intervistimi personalisht i secilit kandidat është pothuajse i pamundur, por Musk ka intervistuar çdo kandidat vetë deri kohët e fundit. Në përgjithësi, kandidatët më të mirë merren në intervistë nga nje menaxher ekipi dhe më të mirët e më të mirëve duhet të kalojnë në intervistë me Musk. “Kështu janë shumica e intervistave,” ka thënë ai.

  1. Pyetini ata për një problem që kanë zgjidhur

Në intervista, Musk u pyet kandidatëve pyetje specifike rreth një problemi që ata kanë zgjidhur në rolet e mëparshme për të përcaktuar nëse ata ishin personat që e gjetën zgjidhjen, apo ishin pjesë e ekipit që e gjetën zgjidhjen. “Nëse dikush ka qenë vërtet personi që gjeti zgjidhjen,” thotë Musk, “Ai do të jetë në gjendje t’iu përgjigjet niveleve të ndryshme. Ai do të mund të implementojë zgjidhje për probleme të ndryshme. Dhe nëse nuk kanë qenë ata që e kanë gjetur zgjidhjen, atëherë s’do mund të kthejnë përgjigje, sepse kushdo që luftuan fort me një problem nuk e harron kurrë atë. ”

  1. Bëjini ata të zgjidhin probleme në intervistë

Kandidatët në Glassdoor kanë raportuar se janë pyetur për probleme inxhinierike dhe fizike në intervistat e tyre. Psh: Ju jeni në një mjet lundrues në pishinë dhe keni një tullë në prehrin tuaj. Ju bie tulla jashtë mjetit lundures. Çfarë ndodh me nivelin e ujit të pishinës? Përgjigjia: Ajo fundoset, pasi tulla e zhvendos sasinë e ujit në mënyrë të barabartë me peshën e saj, ndërsa ajo ishte në barkë; tani ajo ka zhvendosur një sasi uji të barabartë me vëllimin e saj. (Inxhinierët janë persona të zgjuar.)

Pyetjet duhet të jenë relevante për aftësitë që ata duan për punën. “Unë nuk kërkoj domosdoshmërisht që dikush të ketë aftësi të shkëlqyera analitike në qoftë se puna e tyre do të jenë montimi i hardware-it”, ka thënë Musk.

  1. Mos u shqetësoni për diplomat

Musk nuk kërkon që kandidatët e tij të kenë diploma kolegji – apo edhe diploma të shkollës së mesme. Mendimi i tij: disa nga inovatorët më të mirë në botë kanë arritur gjërat më të mëdha edhe pa u diplomuar. Musk thekson se Bill Gates, Steve Jobs dhe bashkë-themeluesi i Google Larry Page u mungojnë diplomat e kolegjit. “Nëse keni pasur një shans për t’i punësuar ata,” ka thënë ai: “Sigurisht, që do të ishte një ide e mirë.”

  1. Mos vendosni për asgjë më pak se kandidati më i mirë

Kjo vlen për çdo pozicion, nga menaxherët e lartë deri tek punonjësit e thejshtë. Ish-drejtoresha e SpaceX Dolly Singh tha se Musk i thoshte asaj të gjente personin e vetëm më të mirë në planet për çdo punë, pa marrë parasysh rolin. Kur SpaceX ndërtoi një banak për “Yogurt” në selinë e saj, Musk e udhëzoi atë: “Shko te Pinkberry dhe më gjej punonjësin e muajit.”

  1. Kërkoni mendim të drejtë.

Të jesh jashtëzakonisht i talentuar është shumë e rëndësishme, por Musk gjithashtu kërkon që kandidatët të kenë një qëndrim pozitiv.

“Është shumë e rëndësishme që t’i pëlqeni njerëzit me të cilët do të punoni,” tha ai, “përndryshe puna juaj do të jetë mjaft e varfër.”

burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale