Çfarë bëri kjo CEO kur 45 nga punonjësit e saj dhanë dorëheqjen?


Kristen Hadeed, sipërmarrëse dhe CEO e “Student Maid”, ndan “dështimet” e saj më të mëdha që nga vitet e para të saj dhe se si këto dështime e bënë lideren që është sot.

Kjo histori ka të bëjë me gabimet – ato të mëdha – që kolegia ime, Kristen Hadeed, sipërmarrëse dhe CEO e Student Maid, bëri gjatë 10 viteve të fundit në biznes. Ajo kohët e fundit i mblodhi këto përvoja në librin e saj Permission to Screw Up.

Lexoni: Përse ju duhet një ekip për të qenë të sukesshëm?

Libri i saj tërhoqi vëmendjen time, sepse nuk është ajo që mund të prisni nga një CEO dhe një folës i njohur në nivel kombëtar. Përkundrazi, libri flet për rrëmujën, pengesat dhe llojin e gabimeve që mendoni se udhëheqësit që idealizoni nuk do t’i bënin kurrë.

Ajo i kthen këto jo në një histori suksesi dhe si ta arrini atë, por më tepër se si të bëheni udhëheqës dhe të ndërtoni llojin e kompanisë që keni imagjinuar gjithmonë.

Business Magazine në këtë artikull ju njeh me tre gabimet e saj më të mëdha dhe mësimet që ajo mori.

  1. Gjeni vetëbesim në ndreqjen e gabimeve

Në ditët e hershme të Student Maid, Hadeed punësoi një praktikante për të ndihmuar me HR. Që nga fillimi, praktikantja e impresionoi Hadeedin. Pra, Hadeedi vendosi t’i japë asaj një përgjegjësi të madhe: Ajo e vuri atë në krye të pagesave. Kompania e pagesave mendoi se Hadeed ishte e çmendur për të vendosur diçka kaq të rëndësishme në duart e një praktikanteje, por Hadeedi besonte tek ajo dhe donte t’i jepte diçka të rëndësishme për ta vënë në rezymenë e saj.

Por herën e parë që ajo dorëzoi listën e pagave vetë, gabimisht mbipagoi 27 persona me 40,000 $.

Në mënyrë tipike, ju do të prisnit që gjërat të shkonin shumë keq për praktikanten pas kësaj. Megjithatë, Hadeedi e thirri atë dhe e pyeti nëse e dinte se si ta rregullonte problemin. Ajo e bëri. Disa ditë më vonë, 40,000 $ u kthyen.

Edhe pse kishte bërë këtë gabim të tmerrshëm, ajo gjithashtu ishte e autorizuar të kuptonte se ishte në gjendje ta kthente atë mbrapsht. Si rezultat, praktikantja vazhdoi të bënte listën e pagave deri në përfundimin e praktikës së saj dhe kurrë nuk bëri të njëjtin gabim përsëri. Nga ana tjetër, Hadeed nuk e pa besimin tek ajo si një gabim – përkundrazi ajo mësoi të udhëzojë punonjësit mirë dhe t’u japë atyre një shans për të rregulluar gabimet e tyre.

  1. Ndërtoni besimin me falje të sinqerta

Hadeed ishte mjaft e pavetëdijshëm për lidershipin kur ajo nisi Student Maid. Në vend që të kontrollonte ekipin e saj dhe të sigurohej që ata kishin gjithçka që u nevojitetj, ajo ishte ulur në një zyrë me ajër të kondicionuar, ndërsa njerëzit e saj ishin jashtë në nxehtësinë e verës të Floridës, duke pastruar apartamente. Nuk ishte befasi që 45 nga 60 personat e ekipit të saj u larguan.

Kur u larguan, Hadeedin e zuri paniku. Ajo u premtoi atyre paga më të larta dhe shumë pica, duke bindur kshu secilin prej 45 punonjësve plus 15 të cilët nuk e kishin lënë punën – të takoheshin në një mbledhje urgjente. Në mbledhje, Hadeed pranoi se ajo e kishte djallosur punën dhe kërkoi ndihmën e tyre.

Të 45 anëtarët e ekipit u kthyen. Kjo ndihmoi për të krijuar një kulturë respekti të ndërsjellë. Prej asaj kohe, Hadeedi u përpoq që gjithmonë t’i pranonte dështimet e saj me zë të lartë. Sa më e ndershme tregohet aq më shumë njerëzit e saj i besojnë si lideren e tyre – dhe më të sigurtë ndihen që ata të pranojnë gabimet e tyre.

  1. Kthehuni tek ekipi juaj për zgjidhje dhe mbështetje

Një herë, Hadeed u gjet në një situatë që asnjë pronar biznesi nuk dëshiron ta përjetojë kurrë: Kompania nuk kishte para të mjaftueshme në bankë për të mbuluar listën e pagave.

Ishte një situatë që Hadeedi e dinte se mund ta kishte parandaluar nëse ajo do t’u kishte kushtuar më shumë vëmendje rrjedhës së parave të kompanisë dhe faturave të papaguara.

Kur Hadeed arriti në zyrë, ajo i shpjegoi situatën ekipit ekzekutiv. Njëri prej anëtarëve të ekipit sugjeroi zgjidhjen e saj para se ajo ta bënte: Ekipi ekzekutiv, përfshirë Hadeed, do të mbeteshin pa marrë pagesat e tyre kështu që të kishte mjaftueshëm para në llogari për të paguar punonjësit studentë.

Ajo që filloi si një dështim masiv u shndërrua shpejt në punë ekipore dhe sakrifica.

Lexoni: Çdo ekip biznesi ka nevojë për një Jobs dhe një Wozniak. Zbuloni se cili jeni ju

Këto përvoja shërbejnë si një kujtesë se ndërsa dështimi mund të jetë i dhimbshëm, stresues dhe madje poshtërues, gjithashtu mund të na udhëheqë për t’u bërë liderë më të mirë.

burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale