Banka Qendrore Evropiane rriti normat e interest për të nëntën herë radhazi të enjten në fushatën e saj njëvjeçare për të eliminuar inflacionin e lartë dhe të dhimbshëm. Ajo mbajti hapur derën për rritje të mëtejshme, pavarësisht frikës në rritje të recesionit.
Presidentja e BQE-së, Christine Lagarde, kishte premtuar vetëm një rritje prej çerek përqindjeje, por tha se lëvizjet e ardhshme të bankës do të përcaktohen nga ajo që do të tregojnë të dhënat, përfshirë inflacionin dhe numrin e vendeve të punës.
Vendimet mund të ndryshojnë nga një takim në tjetrin, tha ajo, por këmbënguli se BQE është “shumë e këmbëngulëse në vendosmërinë e saj për të luftuar inflacionin”.
“A jemi të kënaqur? Po. Pretendojmë fitoren? Jo. Ne duam të shkojmë deri në fund të lojës,”- tha ajo.
Kryetari i Rezervës Federale të SHBA-së, Jerome Poëell, ishte gjithashtu i kujdesshëm për të parashikuar nëse do të kishte më shumë rritje të normave, pasi Fed ngriti të mërkurën normën e saj bazë për herë të 11-të herë në 17 muaj.
Bankat qendrore në mbarë botën kanë rritur kostot e huamarrjes për të luftuar inflacionin e shkaktuar nga çmimet më të larta të energjisë pasi Rusia pushtoi Ukrainën.
Inflacioni në 20 vendet që përdorin monedhën euro ka rënë nga kulmi i tij prej 10.6% në tetor në 5.5% në qershor por është ende shumë mbi objektivin e bankës prej 2% që konsiderohet si më i miri për ekonominë. Apnews
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
