Kompania Ola, pjesë e Atlas Corporation, ka vendosur prodhimin e Pasta Ola në Venecia, duke u pozicionuar si një markë mesdhetare me prani globale. Prodhimi në një nga zonat më të zhvilluara të industrisë italiane të Pasta Ola përfaqëson një hap të rëndësishëm për markën shqiptare, ndërsa Zv. Presidenti i Atlas Corporation, Aurel Domi, flet mbi këtë rrugëtim të suksesshëm.
Italia është e njohur për prodhimin e pastave, dhe Venecia është një nga zonat me më shumë traditë në këtë industri. Prodhimi në këtë zonë e vendos Pastën Ola në të njëjtin nivel me standardin mesdhetar të cilësisë, duke e bërë atë pjesë të këtij identiteti.
Ky zhvillim u prezantua edhe për publikun shqiptar përmes një reportazhi në emisionin “E Diela Shqiptare”, ku moderatori i njohur Ardit Gjebrea vizitoi fabrikën e prodhimit në Venecia. Pamjet sollën një pasqyrë të detajuar të këtij suksesi duke treguar qartë elementet që e dallojnë një pastë cilësore.
Gjatë intervistës, Zv. Presidenti i Atlas Corporation, Aurel Domi, u shpreh se zgjedhja e Italisë për prodhimin e Pasta Ola lidhet drejtpërdrejt me cilësinë.
“Në familjen e madhe Ola, kur bëhet fjalë për cilësi dhe standard, ne nuk kemi kompromis”, theksoi ai.
Ky standard reflektohet në vetë karakteristikat e këtij produkti. Pasta Ola prodhohet nga gruri durum i përzgjedhur, ku një nga elementët kryesorë është përdorimi i teknikës trafilatura al bronzo (formimi me prerëse bronzi). Kjo teknikë i jep pastës një sipërfaqe më të ashpër, që ndihmon në kapjen më të mirë të salcës gjatë gatimit, një detaj që në industrinë e pastave konsiderohet tregues i një produkti premium.
Një tjetër element dallues është tharja e ngadaltë, një proces që ruan vlerat ushqyese dhe strukturën natyrale të produktit, në kontrast me prodhimin industrial të shpejtë. Ngjyra më e hapur dhe mat e pastës është gjithashtu një tregues i cilësisë së lartë dhe i përputhjes me standardin italian.
Lexo edhe: Ola Foods, marka shqiptare që ka prekur katër kontinente
Falë këtyre elementeve, Pasta Ola nuk është thjesht një markë shqiptare që prodhohet në Itali, por një markë që përfaqëson karakterin mesdhetar dhe operon në një treg gjithnjë e më të gjerë. Në fund të intervistës, Zv. Presidenti i Atlas Corporation, Aurel Domi, theksoi se objektivi i kompanisë shkon përtej pranisë në tregje të huaja. Sipas tij, synimi është që Ola të njihet si një markë ndërkombëtare, e mbështetur te cilësia e produktit.
“Synimi i familjes sonë është ta çojmë Olën drejt një marke ndërkombëtare ku aktualisht jemi në një rrugë shumë të mirë për ta arritur këtë”, u shpreh ai.
Në një industri ku shumë marka orientohen drejt kostos, Ola ka zgjedhur të prodhojë në një nga zonat më të konsoliduara të prodhimit të pastave në Itali. Një zgjedhje që nuk lidhet me volum, por me standardin që Pasta Ola kërkon të përfaqësojë si markë mesdhetare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
