Apple ka lançuar kartën e saj të kreditit. Ja çfarë duhet të dini


Sot, Apple më në fund e ka vënë në funksion Apple Card, kartën e kreditit që e prezantoi në Mars. Këtu janë shtatë gjëra që duhet t’i dini.

1. Nuk është një kartë biznesi.

Ndërsa Apple Card me siguri do të jetë interesante për shumë njerëz, aktualisht është vetëm kartë krediti personale, jo një kartë biznesi.

2. Është e dizajnuar për Apple Pay.

Në fakt, sipas kushteve të lëshuara nga Goldman Sachs, partneri i Apple në Apple Card, ju nuk merrni as një kartë fizike, vetëm nëse e kërkoni atë. Apple Card është menduar të përdoret me Apple Pay. E gjithë historia dhe informacioni i transaksioneve gjenden në iPhone-in tuaj, dhe ju merrni dyfish shpërblime kur përdorni Apple Pay në krahasim me kartën fizike.

3. Nuk përmban një numër me 16-shifra

Në fakt, karta fizike nuk ka një numër 16-shifror – është e vendosur brenda çipit dhe krijon një identifikues të veçantë për çdo transaksion. Kjo është më e sigurt pasi numri i kartës suaj nuk mund të vidhet, por e bën më të vështirë të porosisni pica në internet nëse jeni mësuar të shtypni informacionin e kartës suaj.

4. Nuk ka tarifa.

Karte nuk ka tarifa vjetore ose tarifa të këmbimit valutor. Madje thotë se nuk do t’ju kërkojë një tarifë edhe nëse e tejkaloni limitin tuaj apo për një pagesë të kthyer.

Në të njëjtën kohë, aplikacioni është krijuar për t’ju motivuar të bëni pagesa me një larmi grafikësh që ju tregojnë saktësisht se sa interes do të paguani kur nuk e paguani plotësisht faturën tuaj.

5. Ofron edhe shpërblime.

Çdo ditë, Apple vendos deri në tre për qind të blerjeve në bilancin tuaj të llogarisë që mund të përdoret për blerje ose në faturën tuaj të Apple Card. Mund ta përdorni gjithashtu për të dërguar para përmes Mesazheve, ose t’i depozitoni në llogarinë tuaj bankare.

Ju do të merrni 3 për qind të blerjeve direkt nga Apple, dhe 2 për qind nëse e përdorni Apple Pay diku tjetër. Nëse përdorni kartën fizike, do të merrni vetëm 1 për qind kthim të parave.

6. Ju i bëni të gjitha në aplikacion, përfshirë edhe aplikimin.

Dëshironi të kontrolloni bilancin tuaj? Të bëni një pagesë? Ka një aplikacion për këtë. Në të vërtetë, Apple Card është më shumë një aplikacion sesa kartë krediti në shumë mënyra. Edhe pse posedon një kartë fizike, pothuajse çdo ndërveprim me kartën do të jetë edhe në iPhone-in tuaj.

Fatkeqësisht, Apple Card për momentin është e disponueshme vetëm për një numër të zgjedhur të përdoruesve. Lançimi i plotë për të gjithë përdoruesit e Apple pritet të ndodhë në fund të muajit Gusht. 

INC

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale