Rritja e biznesit nuk është punë e thjeshtë pavarësisht industrisë. Ai kërkon punë, produkt të madh dhe dedikim. Gjithsesi, më shumë se çdo gjë tjetër, të duhet një skuadër fenomenale. Gjetja e njerëzve të duhur është çelësi për përshkallëzimin e organizatës suaj.
Ti ke nevojë për njerëz që jo vetëm janë të apasionuar, të zgjuar dhe me eksperiencë, por duhet edhe të gjesh ata që punojnë mirë së bashku. Një kulturë kompanie mund të tërheqë dhe të mbajë talente fenomenale ose mund edhe t’i largojë ata. Këto janë disa gjëra që kam mësuar në rrugën e ndërtimit të skuadrave efektive:
1. Përpiqu që herën e parë për t’i bërë gjërat mirë. Jepi kohë vetes. Sigurohu që kandidati është i përshtatshëm për rolin që po përpiqesh të përmbushësh, dhe që përshtatet me kulturën e kompanisë. Këto janë të dyja të rëndësishme. Kushton SHUMË të bësh vendime të gabuara rekrutuese. Këtë e kam mësuar me “të keq.”
2. Kur e bën diçka gabim, rregulloje shpejt. E ke parasysh kur e ke atë ndjesinë se dikush nuk do të performojë në mënyrën që do ti ose ai/ ajo në mënyrë konstante do t’i shkaktojë probleme skuadrës tënde? Ec përpara sa më shpejt që të jetë e mundur. E keqja sjell të keqen.
3. Mendo për skuadrën tënde si një skuadër aktuale. Asnjë superyll nuk e fiton i vetëm kampionatin. Një skuadër fiton vetëm kur funksionon si një skuadër. Të gjithë duhet të jenë në të në mënyrë të barabartë për ta fituar lojën. Nga të gjithë pjesëtarët e skuadrës duhet të kërkohet respekt dhe punë e pandalur. Sigurohu që të kërkosh për cilësi shumë të mira te individët që punëson gjatë rekrutimit.
4. Besimi është çelësi. Kur gjërat nuk shkojnë ashtu siç duhet, fokusohu te gjetja e një zgjidhje. Ji i qartë dhe i qetë, dhe nëse bëhet ndonjë gabim, dhe lëri të kuptojnë se ti po pret që ata të mësojnë nga ganimet e tyre. Zakonisht është një sinjal shumë i mirë kur dikush merr mbi vete gabimet e tij. Ki kujdes nga ata që janë gjithmonë mbrojtës dhe mendojnë se nuk gabojnë kurrë.
5. Shpërble punën. Askush nuk duhet të marrë një yll të artë thjesht se po bën diçka, por sigurohu që të festosh fitoret afatgjata kur pjesëtarët e skuadrës kapërcejnë kufirin. Mburrja për një punë të bërë mirë është gjtihmonë frytdhënëse.
Mbi të gjitha, mos bëj sakrifica dhe mos punëso njerëz vetëm sepse të duhet dikush për një rol të caktuar. Kultivo një mjedis skuadre me njerëz të shkëlqyer të cilët punojnë fort dhe me ndershmëri dhe respekt. Nëse merr të duhurin, asgjë nuk mund t’ju ndalë!
*Shkruar nga Leura Fine, Themeluese dhe CEO e Laurel & Wolf dhe publikuar nga Inc.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
