Siç raportohet, versioni i ri beta 11.125 i Google Maps vjen me një veçori të re që do t’i lejojë përdoruesit e saj të përdorin lidhjen satelitore për të përditësuar vendndodhjen një herë në 15 minuta deri në pesë herë në ditë.
Kjo veçori thuhet të jetë e dobishme për zonat pa lidhje telefonike, pasi ndarja e vendndodhjes me të tjerët dhe gjetja e destinacioneve të ndryshme do të jetë e disponueshme me anë të satelitit.
Nëse vizitoni një vend ku interneti është i dobët ose nuk punon fare, atëherë hartat e reja satelitore do të fillojnë të funksionojnë dhe të ju ndihmojnë të arrini në destinacionin tuaj, shkruajnë mediat e huaja
Vetëm nuk duhet të harroni të aktivizoni veçorinë duke ndjekur këta hapa:
Fillimisht hapni Google Maps në tabletin ose telefonin tuaj;
Sigurohuni që jeni të lidhur me internet;
Kërkoni për një vend të caktuar;
Klikoni në vendin që dëshironi dhe shkarkoni hartën e tij;
Megjithatë, ky funksion ende nuk është i disponueshëm për të gjithë përdoruesit e Android, dhe pritet që kompania të ofrojë detaje të tjera deri në prezantimin e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto