Më 2 nëntor në Tiranë do të zhvillohet edicioni i 14-të i AllWeb, “Konferenca e Marketingut Dixhital” në Shqipëri. Me një qasje të re orientuar në tregjet rajonale, biznesi dhe shoqëria jonë ka nevojë të trajtojë temën e digjitalizimit pasi ai nuk po bëhet thjesht pjesë e rëndësishme e jetës sonë, por është një nga fushat më të rëndësishme të së ardhmes.
Për të folur më gjerë se çfarë është All Web të ftuara në “Kape Ditën” janë Eni Muça dhe Griselda Dervishi. Të cilat theksuan se bota e digjitalizimit është e ardhmja e biznesit dhe jo vetëm por edhe e shoqërisë.
“BusinessMag ka qenë si një projekt, si revistë online, digjitale. Është revista e parë e biznesit inovacionit në Shqipëri në mënyrë që të prekim bizneset që duan të jenë pjesë e digjitalizimit. All Web e ka sjell BusinessMag në Tiranë, në fakt është nga Maqedonia. Të përfaqësojmë teknologjinë për të sjellë frymën europiane sepse po evoluon çdo ditë. Këtë vit kemi në fokus AI gjeneruese. Mund të keni produktin më të mirë të botës dhe është e nevojshme që marketingu dhe produkti të shkojnë bashkë. Që ka nga gjeneza synimi ka qenë pjesa digjitale”, tha Eni Muça.
Konferenca do të bashkojë ekspertë nga sektorë të ndryshëm, përfshirë komunikimin, marketingun dhe teknologjinë, duke ndikuar ndjeshëm në ekonominë e tregut digjital dhe në skenën e përgjithshme të biznesit në Shqipëri.
Mëngjesi në Radio Tirana 1 fillon me “Kape Ditën”, emision të cilin mund ta ndiqni në frekuencat 99.5 Mhz. Programi radiofonik përcjell informacionet më të nevojshme për mëngjesin. rtsh
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
