Njihuni me Apollon, robotin e krijuar për të bërë punë që njerëzit nuk i duan

Humanoidët që merren me punët e shtëpisë ose ndërtojnë habitate në sipërfaqen hënore mund të tingëllojnë si diçka nga trillimet shkencore. Por ekipi i startup-it të robotikës me bazë në Austin, Apptronik parashikon një të ardhme ku robotët me qëllime të përgjithshme do të merren me punë “të pista dhe të rrezikshme”, në mënyrë që njerëzit të mos kenë nevojë t’i bëjnë vetë ato.

Dizajni për robotin e fundit humanoid të Apptronik, të quajtur Apollo, u zbulua të mërkurën.

Roboti ka përmasa të njëjta me një qenie njerëzore, 1.7 metra i gjatë dhe peshon 72.6 kilogramë.

Apollo mund të ngrejë 25 kilogramë dhe është projektuar për t’u prodhuar në masë dhe për të punuar në mënyrë të sigurt përkrah njerëzve. Roboti përdor energji elektrike, në vend të hidraulikës që nuk konsiderohet të jetë aq e sigurt, dhe ka një bateri katër-orëshe që mund të ndërrohet në mënyrë që të mund të funksionojë për një ditë pune 22-orëshe.

Lexo edhe: Je 12-18 vjeç? Hapen regjistrimet e reja për TUMO TIRANA te Piramida, Veliaj: Në përkrahje të inovacionit dhe rinisë

Roboti ka panele dixhitale në gjoks që ofrojnë komunikim të qartë për jetëgjatësinë e mbetur të baterisë, detyrën aktuale me të cilën po punon, kur do të përfundojë dhe çfarë do të bëjë më pas. Apollo gjithashtu ka një fytyrë dhe lëvizje të qëllimshme, të tilla si kthimi i kokës për të treguar se ku do të shkojë.

“Qëllimi ynë është të ndërtojmë robotë të gjithanshëm për të bërë të gjitha gjërat që ne nuk duam të bëjmë për të na ndihmuar këtu në Tokë, dhe përfundimisht një ditë të eksplorojmë hënën, Marsin dhe më gjerë”, tha Jeff Cardenas, bashkëthemelues dhe CEO i Apptronik.

mcn