Muaji Korrik është cilësuar si muaji i cili ka pasur temperatura ekstreme të larta.
Ato kanë kulmuar me temperatura të larta ditën e mërkurë ku temperaturat kanë shkuar 45 gradë celsius.Mjekët kanë raportuar probleme të theksuara në shëndetin e njerëzve dhe një ndër këto probleme është edhe ai i “shëndetit mental”.
Psikologe Nereida Llaha, bëri një pasqyrim të problematikës si edhe disa këshilla në lidhje me pasojat psikologjike të së nxehtit . Llaha tha se e rëndësishme të kemi një kujdes për shëndetin mendor dhe mos të nxitohemi për të marrë vendime të rëndësishjme pasi dhe performanca jonë është më e ulët dhe se sezonin e verës ta marrim sa më qetë.
Çfarë i ndodh trurit nga vapa ekstreme?
Nereida Llaha: Kur i referohemi temperaturave ekstreme që janë të papërballueshme për t’u përballuar, edhe trajtimi është ndryshe. Por me rritjen e temperaturave tek individët shfaqen ndryshime si, rritje të impulsivitetit, ulje të përqendrimit, agresivitet që ndikojnë edhe për performancën në punë. Gjatë sezonit veror kemi një luhatje të kushteve optimale në aktivitete, si në atë fizik pasi individët evidentojnë më ato të dukshme, ku shpesh herë dehidratimi shkakton dhe probleme të tjera.
Kryesisht personat që vuajnë nga shëndeti mendor, apo ankthi janë ata që kanë më shumë luhatje të humorit, ku kanë parehati, problematika me frymarrje të cilat nxiten dhe më shumë nga temperaturat. Gjatë verës kemi një ulje të motivimit.
Këto ndjesi kanë qenë gjithmonë prezente?
Nereida Llaha: Këto janë dy grupe ata që vuajnë nga ankthi apo skizofreni që e kanë më të dukshme, gjatë verës duhet të ketë një përgatitje. Një gjumë jo shumë i mirë, i shpjegon shumë mirë hipotalamusi, kështu që edhe një konsultë tek pediatri apo ai i familjes do ishte mirë. Të gjithë që kanë një shqetësim kronik, ku kanë kuptuar se rritja e temperaturave i ndikon në gjendjen shëndetësore do ishte mirë të kishte një konsultë me mjekun.
A duhet të merren vendime kur kthjelltësia është më e ulët gjatë verës?
Nereida Llaha: Ka persona që nuk i ndikon fare vapa, por ata që i ndjejnë shqetësimet janë të shumtë. Kur ne nuk kemi motivim, ndodh që të përjetojmë dhe depresionin e verës që na nxit të menduarit negativ. Duhet një përgatitje e gjatë për ti ndarë gjërat, verën ta marrim sa më qetë.
A është e vështirë të punosh në këto temperatura?
Nereida Llaha: Është shumë e vështirë të punohet në këto temperatura. Por megjithatë vende në të ndryshme në botë funksionojnë me orë të reduktua ndërsa Shqipëria ende jo. Do të rekomandoja që të punojnë duke u përpjekur për tu përqendruar dhe forma më e mirë është që të mos dalin jashtë ambientit të zyrës së punës .
Çfarë mund të bëjmë?
Nereida Llaha: Një zgjim sa më herët, ushtrim i aktiviteti fizik, konsumimi i kafes herët, të kemi një programim të ditës dhe të shmangen në orët e pikut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
