Threads, rivali i Twitter, po tërheq përdorues në një ritëm mahnitës, ku në vetëm 7 orët e para të lansimit, sipas drejtorit ekzekutiv dhe bashkëthemeluesit të Meta-s, Mark Zuckerberg, platforma e rrjeteve sociale ka mbi 10 milionë përdorues.
Por shërbimi i ri i shumëpritur, i cili për regjistrim kërkon edhe një llogari në Instagram, përmban diçka intriguese: Fshirja e një llogarie në Threads kërkon fshirjen e llogarisë së lidhur nga Instagram.
Lexo: Origjina e logos së Threads krijon konfuzion
Në një Politikë Suplementare të Privatësisë, Meta shpjegon: “Mund ta çaktivizoni profilin tuaj Threads në çdo kohë, por profili juaj mund të fshihet vetëm duke fshirë llogarinë tuaj në Instagram”, raporton TechCrunch.
Arsyetimi pas kësaj, të cilën e shtjellon Meta në faqen e politikave të saj, është se një profil Threads është pjesë e llogarisë së përdoruesit në Instagram. Zbulimi i kësaj kërkese ka habitur shumë përdorues. Threads, një aplikacion bisedash i bazuar në tekst, është alternativa e profilit të lartë e Twitter, platformës së rrjeteve sociale nën pronësinë e Elon Musk.
Instagram's head clarifies the controversy surrounding the deletion of Thread accounts: pic.twitter.com/EeyxsayDwB
— ㆅ (@howfxr) July 6, 2023
Instagram, platforma e popullarizuar për shpërndarjen e fotove me mbi 2 miliardë përdorues, e lansoi Threads-in gjatë së mërkurës tek përdoruesit e tyre në mbi 100 shtete. Aplikacioni i fundit i cili hyn në një seri rivalësh të Twitter me rritje të shpejtë, duket të jetë më i kërkuari deri më tani.
Në një postim në Threads, Zuckerberg e shpjegoi vizionit të cilin ai e ka për aplikacionin e ri: “Unë mendoj se duhet të ketë një aplikacion për biseda publike me mbi 1 miliardë përdorues në të. Twitter e ka pasur mundësinë që ta bëjë këtë, por se nuk ka arritur tek ajo shifër. Shpresoj se ne do ta bëjmë këtë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
