Puna në distancë nuk është vetëm një trend.
Një dokument i ri nga Byroja Kombëtare e Kërkimeve Ekonomike të SHBA (US National Bureau of Economic Research, NBER) shikon tendencat e punës në distancë, në vitet që nga shfaqja e COVID-19. Studiuesit e artikullit “Remote Work across Jobs, Companies, and Space”, përdorën një kornizë të përpunimit të gjuhës më të fundit, për të zbuluar postimet e punës, që ofrojnë punë hibride ose plotësisht në distancë.
Ata zbuluan se pjesa e postimeve, që lejojnë njerëzit të punojnë në distancë për të paktën një ditë në javë, u rrit të paktën pesëfish në Australi, Kanada, Zelandën e Re dhe Mbretërinë e Bashkuar, midis 2019 dhe fillimit të 2023, duke tejkaluar rritjen e trefishtë në SHBA.
Në cilin vend puna në distancë po rritet më shpejt?
Mbretëria e Bashkuar po e kalon SHBA-në, Australinë, Kanadanë dhe Zelandën e Re, kur bëhet fjalë për ofrimin e punëve në distancë, siç tregon grafiku më poshtë.
Arsyeja duket se lidhet me seriozitetin e shpërthimit fillestar të COVID-19 në secilin vend, thotë raporti. Vendet më të prekura shfaqën rritjen më të madhe. Gjatë fillimit të COVID-19 në mars-prill 2020, pati një rritje mesatare prej 200% në vendet e punës, që ofrojnë punë në distancë, në pesë vendet e anketuara, thotë raporti.
Lexo: Rrezatimi me protone testohet tek gratë me kancer gjiri me rrezikshmëri të lartë
Mundësitë e punës në distancë ndryshojnë nga kompania, si dhe nga sektori
Megjithatë, ka më shumë faktorë sesa vetëm sektori, kur bëhet fjalë për shanset që disa punëtorë të mund të punojnë në distancë.
Raporti i NBER, analizon të dhënat për vendet e lira të punës në kompanitë e hapësirës ajrore, të sigurimit dhe të prodhimit të automjeteve, për të parë nëse mundësitë e punës hibride janë të qëndrueshme në çdo kompani. Gjetjet e tij tregojnë se ato ndryshojnë në mënyrë dramatike.
Lexo: Kushtetuta e Vlerave të Djathta – Një “Blueprint” Për Ringritjen e Të Djathtës
Disa kompani, si Honda, kanë bërë lëvizje të qarta për ta bërë punën në distancë një pjesë afatgjatë të organizimeve të tyre. “Puna në distancë është një mjet kritik rekrutimi dhe mbajtjeje, për talentin që Honda ka nevojë, për të arritur vizionin e saj për një të ardhme pa karbon dhe zgjerimin e potencialit të jetës për njerëzit kudo”, thotë prodhuesi japonez i automjeteve.
Megjithatë, të tjerë kanë shprehur shqetësimin për ndikimin e punës në distancë në produktivitetin dhe kulturat e kompanisë.
Puna në distancë ndryshon sipas qytetit
Ekzistojnë gjithashtu ndryshime të dukshme në variacionet e punës në distancë sipas qytetit.
Në vitin 2022, një në katër postime të reja pune në Uashington, DC reklamuan punë në distancë, krahasuar me një në katërmbëdhjetë në Perth, Australi.
Londra, Sydney dhe Toronto – qytetet më të populluara në Mbretërinë e Bashkuar, Australi dhe Kanada, respektivisht – kanë parë disa nga rritjet më të mëdha në vendet e punës, që ofrojnë punë në distancë. Fortune thotë se njerëzit në qytetet më të mëdha të Amerikës sipas popullsisë – si Nju Jorku, Los Anxhelosi dhe Çikago – punojnë nga shtëpia në një numër gjithnjë e më të madh, se ata në qytetet më të vogla.
Në të njëjtën kohë, ky trend po mbështet edhe qytetet dhe qytezat e vogla, pasi disa njerëz nuk po bëhen thjesht punonjës në distancë, por po zhvendosen edhe në zona më të largëta, për të qenë më afër natyrës dhe për të përfituar nga strehimi më i përballueshëm. / World Economic Forum
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
