6 gjërat që sipërmarrësit e suksesshëm i thonë vetes çdo ditë - Business Magazine Albania

6 gjërat që sipërmarrësit e suksesshëm i thonë vetes çdo ditë



Bizneset janë të bazuara në veprime, jo mendime – por mendimet vijnë gjithmonë para veprave. Arritja fillon me një ide, një perspektivë, një pikëpamje, ose edhe vetëm me një qëndrim.

Këtu janë disa nga gjërat që sipërmarrësit e suksesshëm thonë për veten e tyre çdo ditë, për shkak se këto deklarata i ndihmojnë ata për të bërë gjëra që çojnë në sukses edhe më të madh.

  1. “Idetë janë të mrekullueshme, por ekzekutimi është gjithçka.”

Gjithkush ka ide të mëdha, por idetë e vetme që kanë vlerë janë idetë që ekzekutohen. Nëse ju jeni në kërkim të një ideje të madhe që do të ndrshojë biznesin tuaj, bëni nja hap mbrapa dhe rigrupohuni.

Shpenzoni pak minuta çdo ditë në kërkimin e ideve revolucionare, por fokusohuni në zhvillimin e ideve që ndihmojnë biznesin tuaj për t’u ekzekutuar më mirë.

Rregulloni atë që nuk funksionon dhe mendoni mënyra më të mira për t’iu shërbyer klientëve tuaj. Këto janë idetë për të cilat keni me të vërtetë nevojë.

  1. “Kapitali është një përgjigje, por kurrë përgjigjia.”

Asnjë biznes nuk ka kapital të mjaftueshëm. 30% e bizneseve të vogla kanë nisur me më pak se 5000 $ dhe 10% e pronarëve të bizneseve të vogla kanë përdorur një kartë krediti për të financuar biznesin pjesërisht ose plotësisht.

Ndaloni së shqetësuari në lidhje me kapitalin që nuk keni dhe përqëndrohuni në atë që keni.

  1. “E vetmja besnikëri konsumatori që ka rëndësi është besnikëria e fituar.”

Besnikëria është e vështirë për t’u fituar dhe e lehtë për t’u humbur. Unë jam aq besnike në dyqanin tim lokal sa do të paguaja më shumë; përndryshe do të ndihesha fajtore.

Nëse çmimet tuaja janë shumë të larta, shërbimi juaj duhet të bëjë diferencën. Plus, ndërsa jeni duke lexuar këtë, konkurrentët tuaj janë duke punuar shumë për të vjedhur besnikërinë e klientëve tuaj.

  1. “Do të bëj të paktën një gjë që më frikëson.”

Frika më paralizuese është frika e së panjohur.

Megjithatë, asgjë nuk rezulton të jetë aq e vështirë, ose aq e frikshme sa ne mendojmë. Plus, kjo është tepër emocionuese për të kapërcyer një frikë.

Çdo ditë, bëni një gjë pak të frikshme, qoftë fizikisht apo emocionalisht. Besoni se mund të kuptoni se si të kapërceni problemet që mund të dalin. Kjo është një mënyrë e mirë që iu ndihmon juve dhe biznesin tuaj të rritet.

  1. “Ne do të bëjmë atë që kompanitë e tjera nuk janë të gatshme ta bëjnë.”

Shpesh mënyra më e lehtë për të qenë ndryshe është bërja e gjërave që njerëzit e tjerë nuk pranojnë t’i bëjnë.

Pra, zgjidhni një gjë që njerëzit e tjerë nuk do e bëjnë. Ajo mund të jetë e thjeshtë. Ajo mund të jetë e vogël. Kjo nuk ka rëndësi. Çfarëdo qoftë ajo, bëjeni atë. Ju menjëherë do të jeni pak më ndryshe se pjesa tjetër.

Pastaj çdo ditë, mendoni për një gjë që askush tjetër nuk është i gatshëm ta bëjë.

Pas një jave, biznesi juaj do të jetë i pazakontë. Pas një muaji, biznesi juaj do të jetë i veçantë. Pas një viti, biznesi juaj do të jetë i pabesueshëm dhe kjo definitivisht nuk do të jetë si çdo gjë tjetër.

  1. “Do të rregulloj problemet e vogla në mënyrë që ato të mos rriten dhe të kthehen në probleme të mëdha.”

Ndonjëherë nuk mund të përballoni “luftën” e të tjerëve. Lejimi i punonjësve për të mësuar nga gabimet e tyre është gjë e mirë, por ndonjëherë ju duhet të ndërhyni.

Para se të delegoni një detyrë, vendosni sesa të gatshëm jeni ju që të lejoni një punonjës të udhëheqë. Pastaj ndiqni progresin e tyre dhe të merrini përsipër gjërat kur është e nevojshme. Punonjësit ende mund të përfitojnë nga një eksperiencë e shkurtuar për aq kohë sa ata qëndrojnë të përfshirë pasi të keni marrë përsëri kontrollin.

Përvojat e të mësuarit janë të mëdha – por kurrë në kurriz të rezultateve.

burimi: INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0